Frimærki 120.000 koruuninik Arctic Winter Gamesimut tunisivoq

Tele-Postimi frimærkinut pisortap Allan Pertti Frandsenip Tele-Post sinnerlugu checki 120.000 koruuninik aningaasartalik Arctic Winter Games 2016-imut tunniuppaa.

Frimærkip nalinganut tapiliussap 2015-imi januaarimi saqqummiunneqartup tunineqarneranit aningaasat pissarsiarineqarput. Frimærki qaammatini 14-iinnarni tuniniarneqarnermini assorsuaq tunisaalluarsimavoq.

Issittumi unammiuaarnerni souschefip, Arnakkuluk Jo Kleistip, checki sinnerlugu tiguaa.

Ikiorneqarnerujussuaq
- Tele-Postip pisisartuinit aammalu Tele-Postimit ikiorneqarnerujussuaq nuanneq. Suliami taassumatut angitigisumi taamatut pineqarneq pingaaruteqaqaaq. Frimærki taama kusanartigisoq aqqutigalugu Arctic Winter Gamesip oqariartuutaanik nunarsuup ilaanut sumulluunniit Tele-Postip siammaaqataanera nuannaarutigeqaarput.

Frimærkip assitaani takuneqarsinnaavoq Arctic Winter Gamesip ilisarnaataata qulaatungaa, taannalu ilusilerneqarpoq kigartuisartumit Karsten Skjoldhøjimit.

Ilisarnaat tamatuma kingorna aaqqissuunneqarpoq kigartuisartumit Nina Spore Kreutzmannimit.

Sermitsiaq
Ilisarnaammi takuneqarsinnaapput inuit ilisarnartuliaanngitsut pingasut Nuummi Arctic Winter Gamesertut. Inuit pingasut taakku assammikkut imminnut tigummipput ataatsimoorlutillu imminnut ‘kivillutik’.

Inuit taakku qulaatungaanniippoq seqineq Kalaallit Nunaata qaqqaasa qulaanni qaamaqisoq. Inuit qulaanniittoq tassaasinnaavoq seqineq, Sermitsiaq, qaarsut arsarnerillu. Tassani aamma nikerarneq Arctic Winter Gamesimi pisunik tamanik ersersitsisoq takutinneqarpoq. Ilisarnaat nutaaliaasoq aammalu Inuit qanga pigisaannut ilisarnaatinut tunngassuteqartoq.