Skip to main content

Frelsens Hær nerisassanik sassaalliutissanik amigaateqalersoq

Suliffeqarfiit ilaat Nuummi Frelsens Hærimut pajuttaraluartut, angerlarsimaffeqanngitsut nerisinniarnerini nerisassat naammanngitsoorput. Facebookikkut kajumissaasoqarnerata kingorna innuttaasut nerisassanik pajuttorput, ataasiaannarli pajunneqarnissaq naammanngilaq.

Frelsens Hær angerlarsimaffeqanngitsunut marlunngornermiit tallimanngorneq ilanngullugu nerisitsisarpoq. Aasaaneranilu siullermeerluni aatsaat ammaannarluni.

Ippassaq marlunngornermi nammineq kajumissutsiminnik sulisut angerlarsimaffeqanngitsunut nalunaartariaqarsimapput igaanik sassaalliisinnaanatik nerisassanik pajuttoqarsimanngimmat. Angerlarsimaffeqanngitsut neriartortut amerlanerpaatillutik 80-it 100-llu tungaanoorsinnaasarput.

- Aalajangerpunga Facebookikkut allanniarlunga Frelsens Hærip angerlarsimaffeqanngitsunut nerisassallertarnera unammillernartoqartoq aasaanerani uagutsinnut neriartortartut amerlanerummata. Innuttaasut ikiuukkumanerat tuppallernartorujussuuvoq. Tuniserusuttullu tamaasa qujaruppagut, Else Bergethe Thorsen Sermitsiaq.AG-mut oqaluttuarpoq.

Innuttaasut ilaatigut tuttut puisillu neqaanik pajussimapput. Allallu aqagu niuerniussissallutik nalunaareersimallutik. Royal Greenland aamma suli pajuttarpoq.

Pajunnissaq eqqaamasarsiuk

Nittartakkakkut tamat attaveqatigiiffiatigut nalunaartoqarnera ullumi arlalinnit qisuariarfigineqaraluartoq, Frelsens Hær aasap ingerlanerani suli pajunneqartarnissamik pisariaqartitsisinnaasoq, kajumissutsiminik suliaqartoq ilisimatitsivoq.

Nuummi Kofoed Skole aasaanerani matoqqavoq, peqatigiiffik No Ini pingasunngornikkut suppaliortitsisaraluartoq aamma uninngagallarpoq.

- Taamaattumik nalinginnaasumit amerlanerusut uagutsinnut neriartortarput. Ullaakkorsiutit ajorneq ajorput. Kissartutortitsinissarli kipiluttunarsisinnaavoq, Else Bergethe Thorsen oqaluttuarpoq.

Suliffeqarfiit innuttaasullu taassuma kaammattorumavai:

- Nerisassanik sinneqarussi, amerlavallaanilluunniit nerisassaateqarussi, eqqaamatigut. Nerisassat igiinnarnagit uagutsinnut pajugutigineqartut suugaluarpataluunniit qujaruttarpagut. Angerlarsimaffeqanngitsullu nerisinnaappata tamanna qujanartorujussuussaaq, oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER