Skip to main content

Frederiksen: Eqqartuussisuunngilagut

Avannaata Kommuniani Naleraq kommunip borgmesterissaata ikiaroornartoq pillugu nunatta eqqartuussiviani eqqartuussaasussaanera pillugu oqaaseqarumanngilaq.

Naleraq eqqartuussisuunngilaq, taamaattumillu eqqartuussivimmi suliassanut tunngasuni aalajangiiffigineqarsimanngitsuni oqaaseqassanani.

Avannaata Kommuniani Naleqqap kommunimi borgmesterinngortussap Minik Høegh-Damip ikiaroornartoq pillugu inatsimmik unioqqutitsisimaneranut tunngatillugu oqaaseqassanngilaq, Anthon Frederiksen Sermitsiaq.AG-mut taama ilisimatitsivoq.

Naleraq sapaatip akunnerata naanerani tapersersuilluni nalunaaruteqarsimavoq, taamaalilluni Høegh-Dam kommunimi borgmesterinngortussatut qulakkeerinnilluni.

Borgmester eqqartuussivimmi

Minik Høegh-Dam ikiaroornartut pillugit inatsimmik unioqqutitsisimasutut kommunimut qinersinissaq sioqqullugu Sermersuumi eqqartuussaavoq. Minik Høegh-Damip inaani politiit 2018-imi ujaasinerminni aningaasanik 154.805 koruuninik nassaarput. Taakkunannga 151.9000 koruunit isarussat puuiniitinneqartut nassaarineqarlutik. Aningaasat ikiaroornartumik tuniniaanermiissangatinneqarput.

Eqqartuussivimmi 25. marts, tassa kommunimut qinersinissamut sapaatit akunneri marluinnanngortut, Minik Høegh-Dam pinngitsuutinneqarpoq. Suliassarli unnerluussisussaatitaasunit nunatta eqqartuussivianut suliassanngorteqqinneqarpoq.

Sermitsiaq.AG-p Minik Høegh-Dam oqaaseqartinniartarsimagaluarpaa. Qinigaasimasoq apererusussimagaluarparput sooq borgmesterinngornissamut akuersiniarsimanersoq, naak ikiaroornartoq pillugu inatsimmik unioqqutitsisimasutut eqqartuunneqarsimagaluarluni suliassarlu nunatta eqqartuussivianut ingerlateqqinneqarsimagaluartoq. Ilanngullugu apererusussimagaluarparput Nunatta Eqqartuussiviata eqqartuussinermi pisuutippani politikkimik sulineranut tamanna qanoq kinguneqassanersoq.

Nunatta Eqqartuussiviani suliaq qaqugu suliarineqassanersoq suli aalajangiiffigineqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER