Savalimmiut
Frederik Elsner Savalimmiuni festivaalimi tusarnaartitsilersoq
Kalaaleq nipilersortartoq nipilersortartutut 'F'-imik taaguutilik Savalimmiuni festivaalimi 'G!'-mik taaguutilimmi aasaru tusarnaartitsissaaq
Frederik Elsner, nipilersortartutut 'F'-imik taaguutilik Savalimmiuni festivaalimi 'G!'-mik taaguuteqartumi tusarnaartitsissaaq.
Festivaali juulip 13-annit 15-annut illoqarfimmi Klaksvikimi pissaaq.
- Nipilersukkakka Kalaallit Nunaannit saqqummiussinnaagakkit tulluusimaarutigaara. Kulturerput allanut avitseqatigissutigissallugu aamma Nunanit Avannarlerneersunik suleqateqarnissaq pingaaruteqartoq isumaqarpunga, Frederik Elsner tusagassiuutinut nalunaarummi allappoq.
Kalaallit oqaasii nunanut allanut siammerternissaat pilersaarutigiuaannarsimallugu, nipilersortartoq oqaluttuarpoq.
- Taamaalilluta siammasinnerusumik nipilersornikkut Nunatsinni kultureqarsinnaavugut. Nipilersoqatigiinnullu nunarsuarmut angalarusuttunut isumassarsiorusuttunut periarfissaqalersitsissaaq, Frederik Elsner oqarpoq.
Danskit nipilersoqatigiit ilisarisimaneqarluartut, ilaatigut MØ aamma Suspekt festivaalimi tassani tusarnaartitsissapput.