Frederik Elsner pingasoriaammik Nunatsinni sulorarluni pissartanngorpoq

Ilulissani sulorarluni inersimasut GM-ermata, timersoqatigiiffik B67 pisassaanngilaq.

Timersoqatigiiffiup unammisartuisa ilaannut ataatsimut, Frederik Elnerimut, pingasoriaammik pissartanngorami ingammik tamanna malunnarpoq. Taanna unammissutaasuni tamani, tassa: Angutit ataasiakkaarneranni, marlukkaarneranni aamma arnamik unammeqateqarluni ajugaavoq.

Atuaruk: Inersimasut sulorarnermi GM-ernerat tallimanngorpat aallartissaaq

Ujamminnattut inerneri

Angutit ataasiakkaarnerat:

1. Frederik Elsner, B67
2. Jens Frederik Nielsen, B67
3. Ukatu Kristensen, JBF

Angutit marlukkaarnerat:

1. Jens Frederik Nielsen/Frederik Elsner, B67
2. Ukatu Kristensen/Karl Jakob Thomassen, JBF
3. Bror Madsen/Frank Bagger, JBF

Arnat ataasiakkaarnerat:

1. Sara Lindskov Jacobsen, BKN
2. Ivalo Olsen, JBF
3. Hedvig Broberg, B67

Arnat marlukkaarnerat:

1. Sara Lindskov Jacobsen, BKN/Susanne Wallbohm, B67
2. Milka Brønlund/Hedvig Broberg, B67
3. Juliane Brønlund/Ivalo Olsen, JBF

Arnat angutillu ileriikkaarnerat:

1. Frederik Elsner/Susanne Wallbohm, B67
2. Karl Jakob Thomassen/Juliane Brønlund, JBF
3. Jens Frederik Nielsen/Rita Stidsen, B67

U19 angutit ataasiakkaarnerat:

1. Toke Ketwa-Driefer, B67
2. Arne P. Jensen, NAG
3. Aqissiaq Lundblad, KS-11

Fighteritut akissarsisoq:

• Toke Ketwa-Driefer, B67

Fairplayimut akissarsisoq:

• Thomas Petersen, NAG

Atuaruk: Kalaaliinnaallutik sulorarnermi pissartanngorniutissasut

Pujortupilussuaq
Ilulissani tallimanngormat pujortupilussuunera pissutigalugu unammisartut tamarmik unammiuaarnerup aallartinneranut peqataanngitsoorput, Badminton Kalaallit Nunaat ilisimatitsivoq.

Unammisartut Paamiuneersut aamma Nuummeersut tamatuma eqqorpai, taakku aatsaat arfininngornermi tikipput.

Nuup aamma Ilulissat akornanni angalanissamut inissat amerlassusaat killeqarmata, unammisartut aallarnissaat siulliunneqarpoq, tamatumalu kinguneraa dommerit aamma Badminton Kalaallit Nunaanni siulersuisunut ilaasortat angerlarsimaannartariaqarnerat.

Kinguaattoorneq unamminernut programmimik allannguisoqarneranik kinguneqarpoq, aammalu siulersuisunut ilaasortat peqataannginnerat pissartanngorniunnermut atatillugu ataatsimiinngitsoornerannik kinguneqarluni.