nipilersorneq
Frederik Elsner illoqarfinni pingasuni tusarnaartitsissaaq
Frederik Elsnerip kisimiilluni nipilersugassiaa una qaammat saqqummissaaq. Tassunga atatillugu illoqarfinni pingasuni tusarnaartitsissaaq
Frederik Elsner nipilersoqatigiit Nanaakikkunnit ilisarisimaneqartoq maanna kisimiilluni nipilersuusiaminik saqqummersitsisussanngorpoq.
Nuuterarlu februaarip 18-ani pisiarineqarsinnaanngorpat Frederik Elsner saqqummersitsinermut atatillugu tusarnaartitsisaqattaassaaq 'F'-mik taaguuteqarluni.
Nuummi kulturikkut illorsuarmi Katuami februaarip 25-ani tusarnaartitsineq ingerlanneqassaaq. Sisimiuni Taseralimmi februaarip 28-ani Ilulissanilu Hotel Arcticimi martsip aappaani.
Atuaruk: Frederik Elsner kisimiilluni saqqummersitsilerpoq
Kalaallit Nunaata ilaani, Savalimmiuni Danmarkimilu tusarnaartitsisaqattaarnissaq Frederik Elsneriup aamma pilersaarutigaa.
- Nunani avannarlerneersut nipilersoqatikkalu qilanaarpugut F-ip nipaa Nunani Avannarlerniorpaluttoq tusarliutissallugu, takunissassinnut qilanaalereerpugut, Frederik Elsner oqarpoq.