Fredericiami ilaqutariit ulluat ataatsimoornermik pilersitsissaaq
Qallunaat Nunaanni ilaqutaariinnut ulloqartitsineq kalaaleqatitinik naapitsiffiusartoq ileqqunngoriartorpoq
Peqatigiiffik Inuit ukiut marluk matuma siorna kalaallit pillugit ilaqutariit ulluannik pilersitsimmat ingerlaannaq iluatsilluarsimavoq.
Arfininngornermi 25. maj ilaqutariinnut ulloqartitsineq ingerlanneqaqqissaaq – ukioq kingullermisullu Fredericiami Madsby Legeparkimi ingerlanneqassaaq.
Workshoppertitsisoqassaaq tassani saarnginik, amminik sapannganilluunniit takutitsisoqarsinnaassaaq.
Qallunaat Nunaanni kalaallit erinarsoqatigiit arlallit peqataassapput, soorluttaaq qilaatersortoqarlunilu qitittoqassasoq. Taassuma saniatigut scene kalaallisut qallunaatulluunniit erinnamik ataatsimik marlunnilluunniit atuinissamut tamanut ammassaaq.
Kalaallit pinguaatai sammineqarsinnaassapput aammalu kalaallit qallunaallu nerisassiaatai sassaalliutigineqassapput.