Franskit ingerlatseqatigiiffiutaata uranimik misissuinini unitsippaa
Politikkikkut sammiviit ingerlatseqatigiiffiup uranisiortup Oranop Nunatsinni uranimik misissuineranik maannamut unitsitsipput. Akuersissutaatitilli ukiuni tallimani atuuttut tigummiinnassavaat.
Politikkikkut sammiviit ingerlatseqatigiiffiup uranisiortup Oranop Nunatsinni uranimik misissuineranik maannamut unitsitsipput. Akuersissutaatitilli ukiuni tallimani atuuttut tigummiinnassavaat.
Politikkikkut sammiviit nutaat
Franskit ingerlatseqatigiiffiat uranisiortoq Orano, uranimik misissuinermik aallartitsiniarani Sermitsiamut oqaaseqarpoq. Taamaattorli misissuinissamut akuersissutaatitik ukiuni tallimani atuuttut, saffiugassanut allanut aamma atuuttut tigummiinnassavaat.
Aamma atuaruk: Franskit ingerlatseqatigiiffiat uranimik misissuinissamut akuerisaavoq
– Naalakkersuisoqatigiilersut nutaat sammivik toqqagaat ataqqivarput, taamaattumillu Kalaallit Nunaanni uranimik misissuinermik suliaqarnermik maannamut aallartitsinianngilagut. Minnerunngitsumik uranimik misissuinissamut saffiugassanullu arlalinnut allanut akuersissutinik marlunnik, piffissami ukiuni tallimani atuuttumi nutarterneqarsinnaasumik piginnittuuginnassaagut, Thomas Gwénaël, Oranomi tusagassiisartut sinnerlugit taama oqarpoq.
Januaarimi akuersissummik tunineqarsimasut
Naalakkersuisut Kim Kielsen siuttoralugu qaammatit arlaqanngitsut matuma siorna nunarsuarmi uranimik tunisassiortut annersaasa tullia Orano, Kujataata Kitaani Kujataatalu Kangiani sumiiffinnut arlalinnut misissuinissamik akuersissutinik tunniussipput.
Ilanngutassiaq tamaat Sermitsiami atuaruk – tulliuttoq toorlugu iserfigisinnaavat: