saassussineq
Franskeq arsaalluni EM-ertoqarnerani saassussiniarluni pilersaarusioraluartoq
Ukrainimiut politiivisa angut moskénik, synagogenik aamma naalakkersuisoqarfinnik EM-ertoqarnerani sioqqullugulu saassussinissamik pilersaaruteqartoq tigusaraat
Kijevimi oqartussat franskisut innuttaassusseqartoq, Frankrigimi isikkammi arsaalluni EM sioqqullugu aamma unammisoqarnerani 15-inik saassussinissanik pilersaaruteqartoq tigusarisimallugu, Ukrainip isumannaallisaasuisa aqutsisuat Reutersimut oqarpoq.
Taanna tigusarineqartoq Ukrainimiippoq, tassanilu 'eqimattat sakkulersortartut' attaveqarfigisimavai, isumannaallisaasut aqutsisuat, Vasilij Gritsak oqarpoq.
- Aallaasinik qaartartunillu pisinissaminut taanna soqutiginnippoq, oqarpoq.
Qaartartut annertuut
Paasissutissat naapertorlugit taanna tigusarineqartoq moskénik, synagogenik aamma pisortat naalakkersuisoqarfinnik saassussiniarluni pilersaaruteqarsimavoq.
Angut atimigut taaneqanngotsoq, Ukrainimi paasissutissat naapertorlugit Franskit naalakkersuisusui ajortumik oqaluuserisimavai, nunasiartortorpassuit aamma islamip siammartinneqarnera.
Franskeq qaartartunik TNT-nik 125 kiiluni nassarsimavoq, Ukraine ilisimatitsivoq.
Taanna Ukrainip aamma Polenip killeqarfiani maajip naanerani tigusarineqarpoq.
/ritzau/Reuters