arsarluni EM
Frankrigimi EM-imi peqqarniisaarniarluni saassussisoqarnissaanut app aarlerisaarisartoq nutaaq
EM-ip aallartinnissaanut ullut marluk sioqqullugit Franskit oqartussat pingasunngornermi appimik nutaamik saqqummersitsipput, taanna peqqarniisaarniarluni saassussinissanut aarlerisaarisarpoq
Franskit naalakkersuisui pingasunngornermi smartphone-appimimik akeqanngitsumik saqqummersitsipput, taanna 'saassusinermut pasinnittoqartillugu' atuisunut aarlerisaarummik nassiussisussatut sanaajuvoq.
Nunap ministeriaqarfia nutaarsiassaqartitsivik AFP naapertorlugu ilisimatitsivoq.
Pisut naatsorsuutiginngisat
Pisoq oqartussanit uppernarsarneqarnerata kingorna minutsit 15-it qaangiutsinnagit, aarlerisaarut mobilimi saqqummertassaaq. Atuisup sumiinneranik taanna apeqqutaatitsisassaaq.
Appi Franskisoorlunilu Tuluttuujuvoq, taassumalu aamma 'pisut naatsorsuutigineqanngitsut', soorlu qarsutsinerit aarlerisaarutigisassavai.
EM-ip aallartinnissaanut ullut marluk sioqqullugit appi saqqummerpoq, tassani nunanit allaneersut 2 millionit arsartunik nuannarisaqartut Frankrigimukassapput.
/ritzau/AFP