Skip to main content

Frankrig Issittumi sakkutooqarnikkut annertusaasoqarneranik ernumassuteqartoq

Frankrigip naalagaaffiit pissaanilissuit Issittumi unammilleqatigiinnerisa annertusiartuinnarnerat ernumassutigaa

Naalagaaffiit pissaanilissuit Issittumi sakkutooqarnikkut annertusaajartuinnarnerat Frankrigimit ernumassutigineqarpoq.

- Naalagaaffiit pissaanilissuit Issittumut tunngatillugu aporaakkaluttuinnarnerat ersarippoq, Frankrigip Danmarkimi ambassadøria Caroline Ferrari Sermitsiaq.AG-mut oqarpoq.

Taanna sapaatip akunnerani kingullermi filmfestivalertoqarneranut atatillugu Nuummeeqqammerpoq.

Caroline Ferrarip erseqqissaatigaa, nunat Issittumiittut tassaasut, sakkutooqarnikkut annertusaanerup ingatsikkiartunnginnissaanik isumaginnittussat.

-  Issittumili aporaattoqannginnerata attatiinnarneqarnissaanut sapinngisatsinnik ikiuukkusuppugut. Issittumili Siunnersuisoqatigiinni aalajangeeqataasinnaalluta ilaasortaanngilagut, taanna oqarpoq.

- Issittumi nunat namminneq tamatumunnga aaqqiissuteqartussaapput.

Caroline Ferrari isumaqarpoq, Issittumi sakkutooqarnikkut annertussaaneq pinngitsoortinniarlugu ataatsimut tunngaviit attatiinnarneqarnissaat pingaaruteqartoq. Frankrig arlaatigut tamatumunnga ikiuussinnaassaguni piareeqqavoq.

- Frankrig suleqatigisartakkaminik tamanik oqaloqateqarnissamut ataatsimoorlunilu aaqqiissutissarsiornissamut piumassuseqartuaannarpoq. Taakkununnga tunngatillugit misilittakkavut Issittumi atorneqarsinnaappata ikiuukkusuppugut.

Frankrigimi sakkutuut imarsiortut umiarsuaat 'Garonne' sapaatip akunnerata tulliani Nuummut tikissaaq. Nuup eqqaani angalanermi, umiarsuarmi inuttat ujaasillunilu annaassiniarnermik, ajornartorsiortunik ikiuisarnermik kiisalu avatangiisinik eriaginnittarnermik sungiusassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER