Forsvarsministeriet aamma Ilisimatusarfik ilinniartut pillugit isumaqatigiissuteqarput
Nasiffimmut - Nunanut Allanut Sillimaniarnermullu Ilisimatusarfimmi ph.d.-nngorniat marluk ph.d.-nngorniarnissaannut tunngaviusumik isumaqatigiissutip aningaasaliinerup qulakkeerpaa.
Forsvarsministerietip aamma Ilisimatusarfiup akornanni isumaqatigiissut nutaaq ilisimatusarnissamut nutaanik periarfissaqalersitsivoq.
Forsvarsministeriugallartoq Troels Lund Poulsen Ilisimatusarfimmilu rektori Gitte Adler Reimer ph.d.-nngorniat marluk Nasiffimmut - Nunanut Allanut Sillimaniarnermullu Ilisimatusarfimmukartinnissaannik aningaasaliinissaq pillugu tunngaviusumik isumaqatigiissummik tallimanngornermi atsiorput, Ilisimatusarfik ilisimatitsivoq.
- Isumaqatigiissummi sakkutooqarnermut, illersornissamut sillimaniarnermullu politikki qitiutinneqarpoq Nasiffiullu soqutigisai pingaartitaalu pillugit aamma Forsvarsministeriap soqutigisaqarfiini periusissiukkamik ilisimatusartoqarnissaa sammineqarluni, Ilisimatusarfik nittartakkamini allappoq.
Ilisimaarinninneq nukittorsarniaraat
Ilisimatusarfik naapertorlugu aamma isumaqatigiissummi sillimaniarnermut politikki pillugu illuatungeriinnut tamanut iluaqutaasussamik Kalaallit Nunaanni ilisimaarinninnerusoqalernissaa qulakkeerniarneqarpoq nunatsinnilu nunanut allanut sillimaniarnermullu politikki ataqatigiinnernut tunngatillugu paasisat nutaat saqqummiunneqarlutik.
Ph.d.-tut ilinniarneq ukiuni pingasuni ilisimatusarluni ilinniagaavoq, tassani ilisimatusartup qulequttamik misissueqqissaartarpoq aamma suliaqarfimmini nutaanik ataqatigiissunik paasisaqarniarsarissaaq. Ph.d.-nngorniaq siulleq aggustimi 2023-mi aallartissaaq, tullialu 2024-mi.
Nasiffik Ilisimatusarfimmi ilisimatusarfik nutaajuvoq, tassani ilaatigut kalaallit nunanut allanut politikkiat kiisalu aallartitaqarnikkut suliaqarneq aamma Issittumi sakkulersortoqannginnissaa pillugit ilisimasanik misissuisoqarlunilu saqqummiussisoqartarpoq.