Fontain: Ilulissani hash ajornartorsiutaavoq

Sapaatip akunnerata naanerani Peqqissutsimut Naalakkersuisoq, Agathe Fontain, Ilulissanut tikeraarpoq, sapaatiummallu Ilulissani innuttaasunik ataatsimiisitsinermini ikiaroornartoq ajornartorsiuteqartoq paasivaa.

Atuaruk: Meeqqat angajoqqatik hashimik pujortaqatigisaraat

- Innuttaasunik ataatsimiititsinermi siunertarineqarpoq Naalakkersuisup nunatsinni hashimik atornerluinerup akiorniarnissaanut suliniutit pillugit paasissutissiinissaq aammattaarli innuttaasut isumaannik tusarniaaneruvoq qanoq ingerlasoqarneranik aammalu qanoq ilillutik politikerit pitsaanerusumik iliuuseqarsinnaanersut isumaqarfigineraat imaluunniit siunissami najukkami nunalu tamakkerlugu qanoq pilersaarusiortoqassanersoq, Agathe Fontain, Naalakkersuisuniit ilisimatitsilluni taama oqarpoq.

Najugaqartunut kanngunartoq

Ilulissanut tikeraarnermini oqaluttuaraa innuttaasut ikiaroornartumik qanoq akiuiniarsinnaanerannik. Suliniulli tapersersorneqartoq Naalakkersuisup eqqaavaa.

Atuaruk: Mianersoqqussut: Hashi aatsaat taamak navianartigaaq

Peqataasunit arlaqartunit ernumassutigineqarpoq hashimik tuniniaasartut inuiaqatigiinni sanngiinnerusut atornerlullugit iluaqutigisarmatigit. Erseqqissumik oqaatigineqarpoq hashi nalinginnaavallaalersimasoq ataaserlu toqqaannartumik oqarluni illoqarfimmi hashi taama annertutigisoq ataavartumik ingerlaartinneqarmat kanngunaannartoq, Agathe Fontain, ataatsimiisitsereerluni taama oqarpoq.

Ersiinnartumik hashimik tuniniaasut

Taassuma aamma paasisimavaa hashimik atornerluisoqarnera annertuumik akuersaarneqarnera. Hashimillu niuerneq aqqusinerni ammasumik pisartoq avatangiisillu tamanna akuersaaginnaraat. Inuttaasulli ataatsimoorlutik Uranip naaggaarneranut assingusumik hashimut naaggaarnermik ingerlaaqatigiittoqarnissaa kissaatigineqarluni.

Atuaruk: Nunaqarfimmiut ernumasut: Takussaasumik hashimik tuniniaasoqartarpoq

- Imatut toqqaannartumik oqaaseqartoqarpoq: Ilatsiinnarluta isiginnaartuuginnarsinnaanngilagut aamma isiginnaartuuginnarusunngilagut, Peqqissutsimut Naaakkersuisoq paasissutissiivoq

- Der blev direkte sagt: vi kan og vil ikke længere være passive tilskuere, oplyser Naalakkersuisoq for Sundhed.