Efterårssamling

Fontain: Hashi ajornartorsiutaasorujussuuvoq

IA-meersup Agathe Fontainip hashimik atornerluinerup akiorniarnera sammineruleqqeqquvaa

– Ikiaroornartumik atornerulineq inuiaqatigiinni ajornartorsiutit annersaasa ilagaat.
– Ammaanersiorluni oqallinnerni Naalakkersuisut siulittaasuat Aleqa Hammond oqarpoq hashimut akuersaanngilluinnarneq piumanerullugu. Kikkulli tamarmik nalunngilaat inuiaqatigiinni hashi akuersaanngilluinnareeripput. Hashitorneq tuniniaanerlu tamarmi inatsisinik unioqqutitsineruvoq, Agathe Fontain tikkuaavoq.
– Naleqqutinngilaq Naalakkersuisut siulittaasuat pasisaarimmat Inuit Ataqtigiit uranimut ajornartorsiut samminerorusukkaat, haship akiorniarneraninngarnit. Suliassat marluullugit suliarissavagut, Naalakkersuisunullu kusassaataassaaq sammineqartoq sammigunikku, Inatsisartni urani kinguneqaatissaalu oqaluuserineqarmata. Pissutsinik equtitsiniarneq nammineq isummanut tunngavissaasuanermut takussutissaavoq, Agathe Fontain oqarpoq maluginiarlugulu naalakkersuisooqatigiittarsimasut tamarmik hashimik atornerluineq akiorniartarsimagaat.

Powered by Labrador CMS