Skip to main content

Folketingip ombudsmandiata Nunatsinni isertitsiviit isornartoqartikkai

Isertitsiviit ilaanni atugarineqartut pitsaanerusariaqartut isornartorsiuisoqarpoq, omudsmandip paaserusuppaa sooq taamaattoqarnersoq

Kalaallit Nunaanni isertitsiviit ilai sooq inatsisitigut isumannaannginnersut Folketingip ombudsmandiata apriilip aallaqqaataatinnagu paaserusuppaa. 

Ombudsmanip isertitsivimmik ataatsimik pulaarnikuuvoq isertitsivimmi aalajangersimasumik sulisoqanngitsoq. Isertitsivimmiittut sulisumik pissarsiinnarsinnaaneq ajorput, nerisassanik imigassanilluunniit tunineqarnissamut neqeroorfigineqanngillat, aatsaallu sulisumik isertitsivimmiittoqaraangat isertitsivimmiittut perusuersartarfiliarsinnaasarput. 

Isertitsivimmiittut tamarmik ikiaqutaannanngorlugit misissorneqartarput. Aamma ataasiinnarmik isertitsivimmut matuersaateqarpoq, tamanna politiit paarisaraat. 

- Atukkat takoreerlugit tupaallannarpoq. Politiitut taartaagallartup ikuallattoqarneranik nalunaarut inimi aalajangersimasumiitilluni tusaasinnaanngilaa. Ikuallattoqassagaluarpat isertitsivimmiittut ikuallagussaasinnaapput, Folketingip ombudsmandeqarfiata immikkoortortaqarfiani pisortaq Morten Engberg Ritzauimut oqarpoq. 

Pisinnaatitaaffiit aalajangersorneqartariaqartut
Isertitsivinnik paasiniaanerni isertitsiviit tallimat pulaarneqarput. Isertitsivik ataaseq ataatsimik sulisoqarpoq unnuakkut aamma sulisartoq, isertitsiviit pingasuni pulaarneqartuni allani unnuakkut sulisoqarneq ajorput isertitsivillu ataatsimi aalajangersimasumik sulisoqarnani. 

- Kalaallit Nunaanni suleriaaseq allaaneruvoq soorunami, tassani aamma angalaniarneq apeqqutaaqataalluinnarpoq illoqarfiit nunaqarfiillu aammaavinngarusimanerat apeqqutaaqataavoq. Pisinnaatitaaffiilli assigiinngitsut inatsisiniittut malinneqartariaqarput, ombudsmandi Jørgen Steen Sørensen oqarpoq. 

Justitsministeriet aamma Direktoratet for Kriminalforsorg apeqqutit isornartut akisassaraat. 

Ombudsmandip Kalaallit Nunaanni politimesterimut siunnersuutinik oqaaseqaateqartareerpoq. Tassani isertitsiviit qanoq ingerlanneqassanersut ilaatigut siunnersuutinik imaqarpoq kiisalu isertitsiviit atugarisassaannik aamma imaqarluni. 

Eqqartuussivilersuunneqarsimasut isertitsiviinut aamma pulaartoqarpoq. 

Taamaattumik Justitsministeriet aamma Direktoratet for Kriminalforsorg apeqqutinik akisassaqalerput. 

Ombudsmandip ilaatigut paaserusuppaa arnat ukiukinnerusut qanoq isertitsivimmiitinneqartarnersut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER