Folketingimi nutaamik siulittaasoqalernissamut amerlanerussuteqartoqartoq
Tallimanngornermi Folketingimut siulittaasumik taasisoqalerpat, misilittagartooq Henrik Dam Kristensen siulittaasunngorniarpasippoq.
Folketingimut ilaasortaq Henrik Dam Kristensen (S), Folketingimut siulittaasunngorsinnaavoq, taanna atorfik dronningip atinnguani inissisimavoq.
Socialdemokraatit siulittaasuata aamma naalakkersuisoqatigiinnik isumaqatiginninniartoq, Mette Frederiksen, sisamanngornermi taama uppernarsaavoq.
Folketingimut qinigaaqqammersut tallimanngornermi siulittaasumik taasissapput, siulittaasullu tullersortaanik sisamaasunik, partiinit amerlanernik taaguunneqarsimasuninngaanneertut.
- Neriuppunga. Folketingimi partiinit tamanit ippassaq taperserneqarpasippunga. Henrik Dam siulittaasutut qinerneqarsinnaavoq, tamanna nuannaarutigilluinnarpara, taanna oqarpoq.
Juunip tallimaanni folketingimut qinersisoqarnerani partiit amerlanerussuteqartut talerperlernit saamerlernut nuupput, taamaattumillu maanna siulittaasoq Pia Kjærsgaard (DF) tunuarpoq.
Taanna Folketingimi siulittaasuni arnani siullersaavoq. Taamaakkarluartoq Danmarki siornatigut taamani inatsisartunut arnamik siulittaasoqarsimavoq, tassa Ingeborg Hansen (S) 1950-imi.
62-inik ukiulik Henrik Dam Kristensen maannakkut Folketingimi siulittaasoqarfimmi siulittaasup tulliani siulliuvoq.