IA-mi siulittaasunngortoq

Folketingimi ilaasortaassaaq septembarip tungaanut

Sara Olsvigip tunuavinnissami tungaanut Folketingimi suliassani kingulliit isumagigallassavai, ilaatigut Issittumi Inatsisartut Ataatsimiititaliaanni siulittaasuuffigisamini

Sara Olsvig Inuit Ataqatigiinni siulittaasunngoreernermi kingorna Folketingimi ilaasortaajunnaassaaq

Inuit Ataqatigiit siulittaasortaavata Sara Olsvig assigiinngitsorpassuarnik suliassaqarpoq.

Partiimi siulittaasunngussaguni oqaatigereerpaa Folketingimi ilaasortaajunnaassalluni.

Siulittaasunngornermilu kingorna tamanna piviusunngorpoq.

Septembarip qeqqata missaani Sara Olsvig Folketing-imi ilaasortaanerminit tunuartussanngorpoq. Sara Olsvigip tunuavinnissami tungaanut Folketingimi suliassani kingulliit isumagigallassavai, ilaatigut Issittumi Inatsisartut Ataatsimiititaliaanni siulittaasuuffigisamini.

Issittumi Inatsisartut Ataatsimiititaliaat Københavnimi juunip qulingani ataatsimiissapput, tassanilu Sara Olsvig ataatsimiinnermik aqutsisuussaaq.

Issittumi Inatsisartut Ataatsimiititaliaat septembarip qulingiluaanit aqqarngata tungaanut ataatsimeersuassapput, tassanilu siulittaasussamik nutaamik qinersisoqarsinnaassalluni.

Tamatuma kingorna, septembarip qaammataanit, Inuit Ataqatigiit sinnerlugit Folketingimut sinniisussaasoq siulleq Johan Lund Olsen, Folketingimi ilaasortaalissaaq.

Sara Olsvig 2011-mi septembarip 15-ani Folketingimut ilaasortanngorpoq.

Powered by Labrador CMS