demokratii
Folkemødemi kalaallit ataatsimut tupeqassapput
Danskit Bornholmimi Folkemødeqarnissaannut kalaallit illuutaat ukioq manna ataatsimuussapput
Bornholmimi danskit Folkemødeqarneranni ukioq manna programmi kalaallinit peqataaffigineqarnerussaaq.
Tassami kalaallit illuutaat Danmarkimiittut ataatsimut programmeqarlutik sisamanngorpat Folkemødemut aallassapput.
- Folkemødemi kalaallit peqataatitsineranni annersarissavaat, illuutit ataatsimut tusagassiuutinut nalunaarummi neriorsuipput.
Kalaallit Nunaat pillugu tupeq ataatsimoorussaq
Folkemøde ukiut tamaasa juunimi politikkikkut partiit, suliffeqarfiit, peqatigiiffiit aamma Bornholmimi illoqarfimmi Allingimi innuttaasut akornanni katersuuffiusarpoq.
Video takuuk: Qassimiuaarneq nutaaq ulluni makkunani pilersaarusiorneqarpoq
Kalaallit Illuutaat ukioq manna ataatsimut tupeqassapput, taakku programmimik katiterisimapput, oqallitsitsisoqassaaq aamma isiginnaartitsisartoq Jessie Kleemann takutitsissaaq. Naalagaaffeqatigiinneq aamma nunasiaataaneq pillugit oqallittoqassaaq, Danmarkimi ilinniarneq kalaallillu Danmarkimiittut pillugit sammisat aamma tupermi eqqartorneqassapput.
Bornholmimi suleqatigiinneq suleqatigiinnerunissamut alloriarnerugunartoq.
Oqallisigineqartussanik saqqummiussiniartut
- Kalaallit illuutaat sisamaasut illut akornanni suleqatigiinneq nukittorsaleruttorpaat, Københavnimi Kalaallit Illuutaanni pisortaq, Leise Johnsen oqarpoq.
- Bornholmimi Folkemødemi sunik suliaqarnerput takutissallugu tulluartorujussuuvoq, aammalu kalaallinut tunngassutilinnik oqallinnernik saqqummiussiffissaalluni.
Folkemøde siorna 25.000 sinnerlugit orninneqarpoq.
Atuaruk: SIK-p Nunarput tamaat qassimiuaarnissamut peqatiseraa