Fleischerip aalisarneq pillugu ataatsimiinnissaq peqataaffigiumanngilaa
Aalisarneq pillugu Ataatsimiititaliarsuarmi siulittaasup Jens Paulsenip ataatsimiigiaqqussutaanut Inatsisartuni aalisarnermut ataatsimiititaliamit Henrik Fleischerimit peqataaffigiumaneqanngilaq.
Henrik Fleischer marlunnik qinigassaqarsimanini Sermitsiaq.AG-mut ilisimatitsissutigisimavaa. Nipangiinnassanerluni nipituuliussanerluniluunniit.
- Nipituuliornissara aalajangerpara. Aalisarneq pillugu Ataatsimiititaliarsuup ilusissaa pillugu politikerit peqataatinneqannginnissaat paasiuminaatsippara, oqarpoq.
Naammaginanngitsoq
- Ataatsimiititaliami siulittaasuugaluarlunga Siumumi aalisarneq pillugu aamma akisussaasuuvunga, taamaattumik tusaaniarneqanngilanga. Pakatsinarpoq, Henrik Fleischer, Sisimiunut juullisioriarluni angerlarsimalersoq, oqarpoq.
Ataatsimiigiarnissamut peqataaniarnani mailimik allassimalluni ilisimatitsissutigaa.
- Aalisarneq pillugu politikki tukappoq, tassami aalisartut siunissartik pillugu aalajangeeqataatinneqanngillat isummersorfigineqarnatilluunniit, ilaatigut allappoq.