Skip to main content

Aalisarneq: Saarullinniarneq annertusiartorpoq

Imaassinnaavoq nunatsinni "saarullit akii pillugit sorsuttoqartoq". Taamaattorli aalisartut saarullinniarnertik annikillisinnagu annertusiartortippaat, aalisakkat qaleruallillu nunami suliffissuarnut tunisanut nunatta naatsorsueqqissaartarfiata kisitsisaataasa nutaat ersersippaat.

2018-miit maannamut saarulliit nunami suliffissuarnut tunitsivinnullu tunineqartartut ikiliartorusaariarlutik maanna amerliartoqqilersimasut kisitsisit kingulliit takutippaat.

Saarullinniarneq annertusiartoqqilerpoq, qaleralinniarneq raajarniarnerlu aalaakkaasumik ingerlasut. Nunamut tunisat annertussusaat pillugu nunatta naatsorsueqqissaartarfiata kisitsisaataasa nutartikkat takutippaat.
Tusarfik: Nunatta Naatsorsueqqissaartarfia

Taamaattorli nunami suliffissuarnut tunitsivinnullu tulaanneqartartuni qalerallit raajallu tunisaanerpaapput. Tamanna aamma naatsorsueqqissaartarfiup kisitsisaataannit ersersinneqarpoq.

Nunaqarfimmiut aalisaqataalluarput

2023-mut maannamut killiffik ilanngullugu nunatta naatsorsueqqissaartarfiata paasissutissanik nutarterinerini aamma ersersinneqarpoq nunanatsinni nunaqarfimmiut nunami suliffissuarnut tunitsivinnullu aalisakkanik tuniseqataalluartartut. Pingaartumik qaleralinniarnermit tulaassuisoqarluartarluni.

Nunaqarfimmiut illoqarfimmiullu kiisalu umiarsuit tunitsiviit nunamut tulaattagaat.
Tusarfik: Nunatta Naatsorsueqqissaartarfia

Taamaakkaluartorli nunaqarfimmiut saarullinniaqataanerat suli angumavinngilaq, tassunga pissutaaqataasinnaavoq saarulliit suliffissuarnut tunitsivinnullu ingerlateqqitassat amerlasuutigut umiarsualiinikkut tunitsiveqartinneqartarnerat.

Sinerissap qanittuani aalisartut aammalu avataasiorluni aalisariutit nunamut tulaattagaasa assigiinngissusaat.
Kilde: Grønlands statistik

Aammattaaq nunami suliffissuarnut tunitsivinnullu nunamut tulaassisussaatitaaneq atuukkaluartoq, takuneqarsinnaavoq nunatsinni suliffissuit tunitsiviillu sinerissap qanittuani aalisartunit tunisassiassanik annertunerpaamik pilersorneqartut. Assersuutigiinnarlugu avataasiorluni qaleralinniarnermit aammalu saarullinniarnermit tulaassisussaatitaaneq tunngavigalugu avataasiortut pisassaatiminnit 25 procentii nunamut tulaattussaatitaagaluaraat sinerissap qanittuani aalisartut nunami suliffissuarnut pilersuinerpaapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER