retssikkerhed
Finn Meinel illersuisuuninngorpoq
Ukiut arfineq-marluk kingorna maanna nunap illersuisuuneratut atorfik inuttalerneqarpoq
Inatsisitigut isumannaatsuuneq annertuumik kivinneqarpoq.
Kalaallit Nunaanni illersuisuunertut atorfik kiisami inuttalerneqarpoq.
Eqqartuussissuserisoq Finn Meinel tassani atorfinissaaq.
Atorfik 2010-mili pilersinneqarsinnaalernikuuvoq, kisianni aatsaat ukiaq inuttassarsiuunneqarluni allagarsiissutigineqarpoq.
Aamma atuaruk: Inatsisitigut isumannaassusermut soqutiginninneq annertooq
Atorfik inatsisitigut isumannaassusermut pingaaruteqartorujussuusoq assigiinngitsunit oqaatigineqartarpoq, kingullermik eqqartuussissuserisut siunnersuisoqatigiinnit.
- Tamatta toqqissisimasuunissatsinnut pingaaruteqarpoq eqqartuussiveqarfiup tatigineqarnissaa, danskit inatsisinut atuutsitsinermut ministeriat Søren Pape Poulsen (K) oqarpoq.
- Taamaattuminguna eqqartuussissuserisoq Finn Meinel Kalaallit Nunaata oqaluttuarisaanerani illersuisuunertut siullerpaatut toqqaripput.
- Pinerluttulerinermi suliani sunniuteqarluartumik sulisarnissaq qulakkeerniarlugu ilaatigut Kalaallit Nunaanni illersuisunik ilinniartitsillunilu siunnersuisassaaq.
Illersuisuunerup illersuisut ilinniarnerannut ilinniaqqinnerannullu ilaatigut akisussaasuussaaq, kiisalu siunnersuisutut atorfeqassalluni.