Skip to main content

Finn Karlsenip umiatsiaararsortut ukiumoortumik pisassittalerniarpai

Aalisarnermut, Piniarnermut Nunalerinermullu Naalakkersuisoq Finn Karlsen isumaqarpoq ingerlatsivinni Upernavimmi, Uummannami Qeqertarsuullu Tunuani pilerngutassanik qaleralittassiisarneq qimittariaqaripput

– Avannaani angalallunga sumiiffinni aalisartut piniartullu peqatigiiffii oqaluttuarput umiatsiaararsortut amerlasuut qaammammoortumik qaleralittassat ammarneqartinnagit ullut-marluk pingasut sioqqullugit aalisariartartut. Pilerngutassanik sapinngisamik amerlanerpaanik pisaqarniarlutik ullut marluk-pingasut sininnatik aalisartarput. Aaqqissuussineq tamanna qimanneqartariaqarpoq, aalisarnermut, piniarnermut nunalerinermullu Naalakkersuisut Finn Karlsen, Siumut, oqarpoq.
Taassuma Avannaani aalisartut tikeraarsimavai isumassarsiaq aalisartunik oqaloqatigiissutiginiarlugu. Ukiumoortumik pisassiissutit atuutissapput umiatsiaararsortunut angallatinullu 6 meterit sinnerlugit angissusilinnut.
Aamma atuaruk: Immikkut pisassiissutit millioninnatsitsipput
– Maluginiarpara isumassarsiaq tapersersorneqarluartoq, umiatsiaararsortunullu ukiumoortumik pisassiissalerutta tamanna arlalinnik iluaqutissartaqarpoq. Ernumassutigiunnaassavaat pisassiissutinut angumersisinnaanerlutik. Tamatuma saniatigut aalisarnertik aaqqissuussinnaalissavaat. Ilanngullugulu tuntisivinni qaleralippassuaqartarunnaassaaq suliarineqarsimanngitsunik, qalerallillu tunisat nutaajusassapput.
Finn Karlsen isumaqarpoq umiatsiaararsortunut ukiumoortumik pisassiissutit ukiuni kingullerni pingasuni agguaqatigiissillugu pisanit amerlanerussanngitsut.
– Ukiumoortumik pisassiissutit amerlassusilertariaqarput umiatsiaararsortut ataasiakkaat ukiumut qanoq aalisarsinnaatiginerat malillugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER