Skip to main content

Filmiliortartut inuusuttunik maligassiuisunik ujartuipput

Allaq Production inuusuttut maligassiuisut pillugit piviusulersaarusiorniarpoq

Inuusuttut maligassiuisut pillugit piviusulersaarusiaq immiunneqangajalerpoq, tassani Allaq Production, Margrethe Thårup Andersenimit pigineqartoq suliarinnittuussaaq.

Taassuma panini 15-inik ukiulik, Michelle Thårup Andersen suleqatigissavaa.

Taamaammat filmiliortussat inuusuttunik maligassiuisunik piviusulersaarummi peqataasussanik ujartuipput.

- Inuusuttut 15-iniit 18-inut ukiullit maligassiuilluartut assigiinngitsunik piginnaasaqarneri ersarissarniarpagut, filmiliortussat tusagassiuutinut nalunaarummi allapput.

Inuusuttut maligassiuisut innersuussigit
Ullumimit ataasinngornermit inuusuttumik piviusulersaarummut peqataasussamik innersuussisinnaavutit. “Piginnaasatta nukkassartarpaatigut” piviusulersaarutip qulequtaraa.

- Ilisimatitsissutigissavarput maligassiuisutut innersuunneqartut piginnaasaqaannaratik aamma kissaatigigatsigu maligassiuisoq pujortartassanngimmat aammalu aanngajaarniutinik allanik atuisuussanngimmat, immiussisussat allapput.

Piviusulersaarusiaq septembarimi Qaqortumi takutinneqarnissaa naatsorsuutigineqarpoq.

Inuusuttunik uani innersuussisinnaavutit

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER