Filmiliortartut ernumapput

Eqqumiitsuliornermut aningaasaateqarfik ukiumit nutaamit atulerpat, filmiliortartunut aningaasat ikinnerusut tunniunneqartalernissaat, Film.gl-imi siulittaasup ernumassutigaa.

Film.gl-imi siulittaasup Klaus GeorgHansenip, Eqqumiitsuliortut allatassigalugit Eqqumiitsuliornermutaningaasaateqarfimmutilanngunnikuugamik, filmiliornissamutaningaasanik naammattunikpissarsinissamut atukkat ajornerulernissaaternumassutigaa.

1. januar 2022 Eqqumiitsuliornermut aningaasaateqarfik atulerpoq. Ukiorpassuarni pilersinniarneqarnikuuvoq. Filmiliornermut aningaasat maannamut immikkoortinneqarsimasoq, eqqumiitsuliornermut aningaasaateqarfimmut ilanngunneqarpoq. Filmiliornermut aningaasanik agguaasarneq qanoq pisarumaarnersoq maanna takussavarput. Filmiliornissamut maanna aningaasanik naammattunik qulakkeerinninnissap ajornakusoornerulersinnaanera immannguaq ernummatigaara. Nuna tamakkerlugu naleqquttumik filmiliornissamut aningaasat maanna naammanngereerput, Film.gl-imi siulittaasoq Klaus Georg Hansen, taama oqarpoq.

Filmiliorneq 2022-mi aningaasanut inatsimmi eqqumiitsuliornermi qitiusuni kisiartaalluni immikkut taaneqanngitsoq, taassuma oqaatigaa.

Allannikkut eqqumiitsuliornermut immikkut aningaasaliissuteqartoqarpoq, isiginnaartitsisartutut ilinniarnermut nunalu tamakkerlugu isiginnaartitsisarnermut aningaasanik immikkoortitsisoqarluni, assilialiorluni eqqumiitsuliornermi ilinniarnermut aningaasaliisoqarpoq, aammattaaq nipilersornermut ilinniarfinnut kommuninit aningaasaliisoqarluni. Filmiliornermik ilinniarnermut filmiliornermullu koruunimik ataatsimilluunniit aningaasanut inatsisitsinni immikkoortitsisoqarnikuunngilaq, tamannalu ernumanarluinnarpoq, taanna Sermitsiamut nassuiaavoq.

Nunatsinni naalakkersuinermik suliaqartut nunanut sanilliussinnaasatsinnut kisiartaallutik kalaallit filmiliortarnerannut anguniagassatut takorluugaqannginnerat ernumanartoqartippaa, nunallu iluanut avammullu filmiliortarnerup ingerlalluartup nukittussusaanut qanoq pingaartiginera takusinnaanngikkaat isumaqarpoq.

Oqaluttuaq tamaat Sermitsiami sapaatip-akunnerani matumani saqqummersumi atuaruk, ugguuna iserfigisinnaavat:

Powered by Labrador CMS