Skip to main content

Filmiliortartoq filmimik suliniummut aningaasanik tapiiffigineqarpoq

Kultureqarnermut naalakkersuisoq Ane Lone Bagger (S) inuusuttumut eqqumiitsuliortumut, filmimik suliniummut suliaqarnissamut tapiiffiginnippoq.

Marc Fussing Rosbach, ilaatigut filmiliani siulleq “Akornatsinniittut - Tarratta Nunaanni” tunngavingalugu siorna Naalakkersuisut kajumissaatitut nersornaasiuttagaannik tunisittoq, 300.000 koruuninik tapiiffigitippoq filmiliarisimasami malitsissaanut “Akornatsinniittut – Kiinappalik”-mut.

Namminersorlutik Oqartussat tusagassiuutinut nalunaarummi taama allapput.

Suleqatigiit qiimmattartut

Filmilioqatigiit Naalakkersuisunit tapiiffigineqarnertik nuannaarutigisorujussuuaat.

- Tapiiffigineqarnerput nuannaarutigisorujussuuarput. Filmip suliarinissaanut piffissaqarnerunitsinnieq aamma periarfissaqarnerunitsinnik tamanna isumaqarpoq, filmilioqatigiit ingerlatsisuat Paninnguaq Lind Jensen, Sermitsiaq.AG-mut taama oqarpoq.

- Tapiiffigineqarnitsigut aamma inunnik allanik pikkorissunik suleqateqarsinnaalerpugut, filmi taamaalilluni pitsaanerussalluni. Kulturimik suliaqartunut tapiissuteqarneq pingaaruteqartorujussuuvoq. Tapiissuteqarfigineqarnitsigut aamma ilungersorluta sulisussanngorpugut, tamannalu qilanaarisorujussuuarput, taanna oqarpoq.

Ukiut marluk qaangiuppata takutitseqqaarnissaq naatsorsuutaasoq

Filmiliami ’Akornatsinniittut  - Kiinappalik’-mi ingerlatsisoq ilisimatitsivoq, scenet siulliit immiullugit maanna aallartereersimallutik. 

- Kisianni suliniut taama annertutigisoq piffissamik annertuumik atuiffiusussaavoq. Filmip takuteqqaarneqarnissaa decembarimi 2021-imi pinissaa naatsorsuutigaarput, Paninnguaq Lind Jensen oqarpoq.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER