Skip to main content

Filmi piviusulersaarut nunaqarfimmi takuteqqaarneqassaaq

Kalaallit filmiliaat, Aquarela, Europian Film Awardsimi nersornaaserneqartussat ilaattut toqqagaasimasoq Kalaallit Nunaanni takuteqqaarneqartussanngorpoq. Filmi nunaqarfimmi Saqqami takuteqqaarneqassaaq

Venedig, Sundance Saqqarlu. Aqqut takisisimaqaaq, filmili piviusulersaarut nersornaaserneqarsimasoq kiisami Kalaallit Nunaannut annguppoq.

Piviusulersaarummi ataasinngorpat Saqqami takuteqqaarneqassaaq.

Kalaallit Nunaanni filmiliortarfimmi, Ánorâk Film, Inuk Silis Høegh ilitsersuisoq aamma Emile Hertling Péronard filmiliortoq, piviusumik tunngaveqartumik filmiliornermi aqutsisuusimapput. 

Ilitsersuisoq nunarsuami ilisimaneqarluartoq peqataasoq

- Filmi nunarsuarmi tamarmi pisimasulersaarutaavoq, 2016-imili 2017-imilu Kalaallit Nunaata sineriaani arlaleriarluni immiussisoqartarsimavoq. Aquarelami sivisuumik pisimasuutitaq Qeqertarsuup Tunuani filmiliarineqarpoq, filmiliortut ilaatigut nunaqarfik Saqqaq aallaavittut filmiliorfittullu atorsimavaat, filmiliortut tusagassiorfinnut nalunaarumminni allapput.

Filmip takuteqqaarneranut filmiliornermi ilitsersuisoq russeq, Victor Kossakovsky, nunat tamalaat filmiliortartunut nersornaasiuttagaannik 100-nik amerlanersusunik pissarsisimasoq aamma peqataassaaq, taassumalu Aquarela suliarisartakkami annerpaavattut isigivaa.

Filmi piviusulersaarut ulorianarnerpaatut isigineqartoq

 Aquarela nalinginnaasumik piviusulersaarutitut filmiliaanngilaq, pinngoqqaartulli sisamaat pillugu assit kusanartorsuit takutinneqarlutik: nunarsuup imai. Ukiup ataatsip matuma siorna Venedig Film Festivalimi nunarsuarmiunut takuteqqaarneqarpoq, qaammamilu kingullermi Amerikami takuteqqaarneqarami New York Timesimit aamma Rolling Stonemit kusanartumik naliliiffigineqarluni, qarasaasiakkut atuagassiap IndieWirep filmip immiunneqarnerani - pissutsit inuunermik ulorianartorsiortitsisinnaasorpassuit innersuussutigalugit, filmi taasimavaa "filmi piviusulersaarut aatsaat taamak ulorianartigisoq".

Aquarela Saqqami takuteqqaarneqareeruni Ilulissani Biffenimi septembarip 22-aniit 24-anut takutinneqartassaaq, septembarillu 18-eriinnaraa Katuami Nuuk International Film Festivalertitsineq ammaanersiorlugu filmertitsisoqassaaq, tassani Victor Kossakovsky kalaallillu filmilioqataasut peqataassapput. Aquarela europamiut Oscarimik nersornaasiinissaannut, European Film Awards, nersornaasigassat ilaattut toqqagaasimavoq, Berlinimi decembarip arfineq-aappaanni nersornaasiisoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER