Skip to main content

Filmi nunatsinneersoq CPH:DOX-imi takutinneqalersoq

Inuk Silis Høeghip nunatsinni avatangiisit pillugit filmiliaa "The Green Land" filmfestivalimi CPH:DOX-imi ullumi takuteqqaarneqassaaq.

Ukiuni arlalinni avatangiisit pillugit pikkunarsaakkamik filmiliamik suliaqarneq inaarlungulusooq filmi filmgestivalimi CPH:DOX-imi takuteqqaarneqartussanngorpoq. Inuk Silis Høeghip filmiliaa "The Green Land", nunatsinni pinngortitaq pillugu imaqartoq unnugu Danmarkimi nalunaaqutaq 21.30-nngorpat takuteqqaarneqartussanngorpoq.

Inuk Silis Høegh tusagassiorfinnut taama nalunaaruteqarpoq.

Filmi Emile Hertling Peronard, Anorâk Filmsimiit suleqatigalugu suliarineqarpoq.

- Oqiliallaqaanga CPH:DOX-imi nunat tamalaat akornanni siuarsimanerit ilaannit, filmiliara takutinneqarumasimammat. Naak "The Green Land"-ip nipitigut assitatigullu suli inerisaagaluartugut takutinneqartussanngorpoq, Inuk Silis Høegh oqarpoq.

- Peqataatinneqartussanngornitsinni periarfissinneqarpugut isiginnaartut peqatigalugit filmip takoqqaarnissaanut, oqarpoq.

Danmarkimi filmertarfiit qaammatini tallimangajanni matoqqareerlutik sisamanngormat ammaqqinneqarput. Taamaasilluni CPH:DOX-ip festival sapaatit akunnernik marlunnik sivitsorpaa, filmiliallu allat takuteqqaarneqarnissaanut ammaalluni.

Ukiuni tallimani suleqatigiinneq

Eqqumiitsuliorluni nipilerisartoq Jacob Kirkegaard suleqataasimavoq. Suliarlu pillugu Facebookimini ima allappoq:

- Inuk (Silis Høegh, red.) suleqatiginera ukiunik tallimanik sivisussuseqarsimavoq. Kalaallit Nunaanni sumiiffinni marlunni immiussinissamut peqataavunga, tassanilu sermersuaq iluliarsuillu uukkaattut takuinnanngilakka, aammali ujaqqat, ivikkat, sorlaat, naasut, kanaartat, inneq anorilu immiussinnaasimavakka.

Arfininngornerup unnukkuani aaqqissuussami isiginnaariartut periarfissinneqassapput Jacob Kirkekaardimik naapitsinissamut. Aamma Inuk Silis Høegh Nuummiit skypekkut Emile Herling Peronardimik oqaloqateqartoq takuneqarsinnaajumaarpoq.

Inuk Silis Høegh ilisimatitsivoq ”The Green Land” naammassisimariarpat nunatsinni ukioq manna takutinneqarumaartoq.

Filmi pillugu uani atuarnerugit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER