Skip to main content

Filmi 'Inuk' USA-mi takutinneqassaaq

Amerikami illoqarfiit pingaarnersaanni filmi 'Inuk' sisamanngornermi takutinneqassaaq

Filmimi 'Inuk'-mi nukappiaraq Inummik atilik malinnaaffigineqartoq Washington D.C-mi takuneqarsinnaassaaq. 

Inuusuttunut festivalertitsisoqarnerani 'Inuk' takutinneqassaaq, Kalaallit Nunaat pillugu sammisaqartoqassalluni kiisalu KNR-ip paasissutissiinera malillugu Uummannami perorsaavimmi najugallit peqataassallutik, tassani inooriaasertik, kulturertik filmimilu peqataanertik pillugu oqaluttuassallutik. 

The American Museum of Natural Historymi inuit inoqqaavisalu katersugaasivianni aamma qitinnermik erinarsornermillu takutitsissapput. 

Kalaallinik eqqumiitsuliortunik Washington D.C-mi peqataasoqassasoq KNR-imit aamma nalunaarutigineqarpoq - kikkut peqataassanersut taanngikkaluarlugit. 

Ole Jørgen Hammeken Sermitsiaq.AG-mut inuulluaqqussuteqarpoq:

- 'Inuk' Baird Auditoriumimi takutinneqarnissaa pillugu maannakkut Washington D.C-miippunga, tupinnaqaaq tassani tusaamasami takutinneqassammat. Filmertarfik tusaamasaq The Smithsonian Institutionip eqqaaniippoq, Det Hvide Hus eqqaani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER