Skip to main content

Fenckerip silarsuaa qalipaatigissaartoq takujuk

Andrei Fencker qalipaasariaqavippoq, qalipaagaangamilu qalipaatit kusanarluinnartut atortarpai

Andrei Fencker Aasianni 1953-imi inunngorpoq. Ilulissanilu peroriartorluni. Københavnimi KGH-jusimasumi ilinniagaqarpoq. 1970-ikkullu aallartilaarneranni Kalaallit Nunaannut uteqqilluni.

Ukiuni 27-ini assigiinngitsuni pisortatut atorfeqartareerluni allamik misileerusulerpoq. Akupunktøritut hypnoseterapeutitullu ilinniagaqarpoq, 2006-imiilli eqqumiitsuliortuulerluni:

Qalipakkat, marriat assilisallu.

Andrei Fencker arbejder også med keramik.
Knud Fl. Larsen

- Qalipaasariaqavippunga. Allatut iliorsinnaanngilanga. Tassa taama sulisarpunga, Andrei Fencker Sermitsiaq.AG-mut oqaluttuarpoq.

Andrei Fencker Randersip eqqaani Langåimi erinarsortartoq Louise Svane aapparalugu ullumikkut najugaqarpoq.

Nuannaarniviit takutiguk

Aappariit eqqumiitsuliortuusut upernaaq mannasoqutiginnittunut saqqummersitsillutik angerlarsimaffitsik ulluni pingasuni ammatippaat.

”Nuannaarniviit takutiguk” saqqummersitsinertik taama qulequtsersimavaat, angerlarsimaffillu saqqummersitsivittut aaqqissuukkallarsimallugu.

Godhavnsvalsi

Sermitsiaq.AG ullut saqqummersitsiviusut ilaanni peqataavoq, qalipakkallu qalipaatigissorpassuit, marriamerngit assilisallu saqqummersinneqartut takullugit.

Louise Svane sang Godhavnsvalsen smukt og rørende.
Knud Fl. Larsen

Qalipakkat immikkoortiteruminaapput. Imartuujupput. Saqqummersitsineq ammarneqarmat Louise Svane Godhavnsvalsen atorlugu erinarsorpoq, tusarnaartullu ilaat qullilipput.

Misigineqarlutillu malugineqassapput

- Ammarit, qalipakkat saavanut pigaanni immaqa taama oqartoqarsinnaavoq. Tassanngaannartumik ilutsit assigiinngitsut saqqummeralertarput, ungasianiit takuneqarsinnaasimanngitsut. Soorlu una qalipagarsuaq “Vandet går på havets moder”. Timmiaq takuneqarsinnaalertarpoq, aalisagaq Sassumallu Arnaa mikisunnguaq. Qalipakkanut tunngasunik Andrei Fencker aamma taalliarpassuaqarpoq.

Dette farverige maleri hedder "Morgensol".
Knud Fl. Larsen

Andrei Fenckerip tunuliaqutaa pissutigalugu qalipakkat arlallit Kalaallit Nunaannit isumassarsianit aallaaveqarput pingaartumillu pinngortitamit, assilisani tamanna aamma takuneqarsinnaavoq. Danmarkimiilli aamma isumassarsiortarpoq.

Qalipaatigissut

Andrei Fenckerip qalipagai qalipaatigilluinnartuupput. Assigiinngitsorpassuupput imartullutik, sakkortusinnaallutik imaaliallaannarlu puigorneqarsinnaanatik. Misigisaq pikkunartoq.

Issittumi Sakkutooqarfimmut tunniussineq

Andrei Fenckerip qalipagaq “Den sidste is” umiarsuarmut alapernaarsuummut “Lauge Koch”-imut tunniussimavaa, taannalu Randers Kommunemut 2018-imi tunniunneqarpoq. Qalipagaq pisortap allaffiani nivingavoq, Andrei Fenkerillu taanna qujassutitut tunniussaraa, Issittumi Sakkutooqarfiup ukiuni kingullerni arlalinni inunnik annaassisarnerat pillugu.

Ulloq saqqummersitsivik kingulleq

Maajip 11-ani nalunaaqutaq 14-17 Langåmi angerlarsimaffik saqqummersitsivinngortinneqarsimasoq naggataamik alakkarneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER