Arsaannermi GM

FC Malamuk semifinalinnginnermi Aleqamut pulaartut

FC Malamuk Uummannameersoq arsaannermi GM-imi pissartanngorniunnermut anngunniutinnginnermi Naalakkersuisut siulittaasuat sisamanngornermi pulaarpaat

FC Malamuk angutit arsaallutik GM-erneranni pissartanngorniunnissamut anngunniutissapput tallimanngornermi. Taanna sioqqullugu Naalakkersuisut siulittaasuat Aleqa Hammond pulaarpaat - taanna Uummannami peroriartorpoq

Tusagassiivik

netredaktion (netredaktion@sermitsiaq.ag)

tallimann 08. agg 2014 12:45

Annonce

Isikkamik arsaarnermi angutit GM-erneranni FC Malamuk Uummannameersoq pissartanngorniunnermut anngunniunnermi IT-79 Nuummeersoq naapissavaa tallimanngornermi.

Unammisartut ullormi eqqissisimaarneranni Naalakkersuisut siulittaasuat Aleqa Hammond pulaarpaat sisamanngornermi. Aleqa Hammond Uummannami peroriartorpoq.

Tusagassiivik nalunaarpoq Aleqa Hammond pulaartut kaffisoqatigisimagai, ilaatigut timersortarneq eqqartorneqarluni. Aamma politikkerisut sulianera pillugu apeqquteqartarput.

G-44 Qeqertarsuarmeersut aamma B-67 Nuummeersut pissartanngorniunnissamut anngunniunnermi aamma unammissapput, taakku nalunaaqutaq 15.00 aallartissapput.