assammik arsarneq
Faxe Kondi Cupimi unammiuaarneq nalliuttorsiussaaq
Assammik arsarluni unammiuaarneq novembarip aallartinnerani ingerlanneqassaaq
Arnanut assammik arsarluni unammiuaartitsisarneq Faxe Kondi Cup ukioq manna ukiunik 25-inngortorsiorluni nalliuttorsiussaaq.
Unammiuaarneq aallartinneqarsimavoq Kalaallit Nunaanni arnat assammik arsartarnerat ineriartortinniarlugu siuarsarniarlugulu, taamanikkullu unammiuaarnermik pilersitsisimapput GSS Håndbold, K-33, I-69 klubbillu allat arlallit suleqatigalugit, GSS-ip aningaasaliisuunera Faxe isumasioqatigereerlugu.
Nunani avannarlerni ilisimaneqartoq
Ukiut ingerlaneranni holdinik nunanit avannarlerneersunit peqataasoqartarsimavoq - taamaattumik unammiuaarneq ullumikkut Kalaallit Nunaanniinnaanngitsoq, aammattaarli Nunat Avannarliit ilarujussuani ilisimaneqarpoq.
Ukioq manna unammiuaaraneq aallartissaaq sisamanngornermi novembarip 4-anni, ingerlanneqassallunilu Multihallimi Inussivimmi.
A-rækkimi unammissapput GSS, NÛK aamma SAK. B-rækkimilu unammissalludtik GSS hold 2, timigissartartut piukkunnaatillillu.
Finalit sapaammi novembarip 6-anni ingerlanneqassapput.