Fast-track-imut maleruaqqusat atorsinnaanngillat sakkortuumillu eqquipput
Kalaallit Nunaanni sulisitsisut misissuinerata takutippaa kalallit suliffeqarfiutaat 600-t aamma 1.000-it akornanni sulisussanik suli amigaateqartut.
Kalaallit Nunaanni suliffeqarfiit suli nunanit allaneersunut tunngatillugu sivisuumik utaqqisariaqartarneq atorpaat, tassa nunani allaneersunik sulisussanik atorfinitsitsisinnaanerminnut. Suli nunanit tamalaaniit aamma ilinniarsimasunik sulisussarsiortarneq pisariaqanngitsumik assorsuaq kigaappoq.
Aviisi Sermitsiaq taama allappoq.
Suliffeqarfinni amerlasuunut pissutsit taamaapput sulisussanik maannakkorpiaq amigaateqartunut.
- Maannakkut pisiniarfiutitsinni anginerusuni sulisut 30 missaaniittut amigaatigaavut. Siullermik sulisussat maanimiut atorneqarnissaat misilittarparput, kisianni pisariaqartitavut matussusersinnaanngikkutsigit taava allanik periarfissarsiortariaqartarpugut. Pisiniartorpassuagut ullut tamarluinnaasa assigiinngitsutigut sullittariaqartarpagut suliaqarfigut assigiinngitsut aqqutigalugu, taamaattumik nunanit allanit sulisussat akutunngitsumik uagutsinnut periarfissaasarpoq pisariaqartoq, Kalaallit Nunaanni Brugsenimi, KNB, pisortaq Susanne Christensen oqarpoq.
Brugseni kalaallit nunaanni suliffeqarfiit amerlasuut ilagaat amerlanerusunik sulisussanik pisariaqartitsisoq. Ilaatigut Hotel Hans Egede, MT Højgaard, Arssanerit aamma Kalaallit Nunaani sulisitsisut peqatigalugit Brugseni Kalaallit Nunaannut nunanit allaneersunik sulisussarsiornermi maleruaqqusanik ajornannginnerusunik ujartuipput, tassa tamanna utaqqiloorlugu qaammatit pingasut qaangiuttut atuutilersoq siunertaasoq malillugu atorneqalerniassammat.
Nunanit allaneersut suliffeqarfimmi, Kalaallit Nunaanni Namminersorlutik Oqartussanit, akuerineqarsimasumi sulilernissaminnut neqeroorfigineqartut, sulisitsisortik peqatigalugu Kalaallit Nunaanniinnissaminut aamma sulinissaminnut akuersissummik Styrelsen for International Rekruttering og Integration, SIRI, aqqutigalugu qinnuteqaateqarsinnaapput.
Aviisimi Sermitsiami atuarnerusinnaavutit. Naalakkersuisullu akissutaa aamma atuarlugu. Aviisi uani pissarsiariuk: