Facebookimi soqutigisaqaqatigiit pillugit akerleriinneq
Kujataa Unesco World Heritage Site-imi suliniummik aqutsisup, Facebookimi soqutigisaqaqatigiit ”Friends of the Kujataa Unesco World Heritage Site”-imik taaguutillit, taaguutiminnik allanngortitsinissaat kissaatigaa. Silaqarluanngitsuliorneq aamma oqallittarfimmik aatsitassarsiornissamut isornartorsiuisunut nipangersaaniarsarineq, Facebookimi soqutigisaqaqatigiinni ilaasup suliniaqatigiiffimmit naalakkersuisutigoortuunngitsumeersup oqaatigaa.
Facebookimi soqutigisaqaqatigiit taaguuteqartut ”Friends of the Kujataa Unesco World Heritage Site” (Kujataani Unescoqarfiup ikinngutai) 600-ngajannik malinnaasoqartup, Niels Henrik Hoogemit avatangiisinik illersuiniaqatigiiffimmit Noah-meersumit aamma Mariane Paviasenimit, Urani Naamik-meersumit aqunneqartup taaguutini allanngortittariaqarpaa.
Kommune Kujallermi suliniummut Unesco World Heritage Site-imut aqutsisoq Alibak Hard taama isumaqarpoq, taassuma Slots-og Ejendomsstyrelsen tunuliaqutaralugu piumasaraa, suliniaqatigiiffiit pingasuusut taaguutaat (Unesco, World Heritage aamma Kujataa) Facebookimi eqimattat taaguutaanni siunissami ilaajunnaarsinneqassasut, Sermitsiaq allappoq.
Alibak Hard taama Greenland Mineralsip Kujataani mineralinik qaqutigoortunik piiaaniarneranut tusarniaaneq pileruttortoq saaffiginnissuteqarpoq, tamannalu Niels Henrik Hoogemit tupigusuutigineqarluni.
– Tamatumunnga patsisaasinnaasunik eqqarsaatersorusunngilanga, isumaqarlungali oqallinnerup pingaaruteqartup matuniarneqarneranut piffissaq naleqquttuunngitsoq. Ilaasortavut tassaapput nuna tamakkerlugu qinikkat, kommunalbestyrelsimut ilaasortat, isummersuisartut aamma ilisimatuut nunanit allaneersut avatangiisinik pinngortitamillu illersuinissamik soqutigisaqartut.
Allaaserineqartoq aviisimi Sermitsiami, tallimanngormat saqqummersumi, tamakkiisumik atuarneqarsinnaavoq. Aviisi uani pisiariuk: