Skip to main content

Facebookimi gruppi aammaarluni qinersisitseqquvoq

Kalaallit Nunaata qullersat aningaasaatinik atornerluinngitsut atorfissaqartippai, Facebookimi gruppi isumaqarpoq

Facebookimi gruppi ´Demonstration imod Naalakkersuisut/Naalakkersuisunut akerliussutsimik takutitsineq´ ukioq manna aappassaanik atsiornernik katersuivoq qinersisoqarnissaa piumasaralugu.

– Nunatta naalakkersuisut oqartussaaqataanermi malittarisassanik inatsisinillu malinnittut, pisariaqartippai, gruppi Facebookimi quppernermini allappoq.

– Nunarput ukiuni makkunani aningaasarsiornikkut ajornartorsiorpoq. Taamaattumik naalakkersuisut aningaasanik aqutsisinnaasut atorfissaqartippavut. Naalakkersuisullu aningaasanik atornerluinngitsut. Atsiornernik katersat akerliussutsimik takutitsinermut atatillugu Naalakkersuisut siulittaasuannut tunniunneqarumaarput, Facebookimi gruppi allappoq.

Gruppi januaarimi pilersinneqarpoq. Taamanikkut atsiornernik 1.600-nik katersuivoq Naalakkersuisunullu akerliussutsimik takutitsilluni. Atsiornerit Naalakkersuisut siulittaasuannut Aleqa Hammondimut, Siumut, tunniunneqarput.

– Arlaleriarluta oqartarsimavugut atsiornernik katerseqqissanata. Ullumikkulli misigisimavugut naammalersoq, tusaratsigu Naalakkersuisut siulittaasuat landskarsip aningaasaataanik atornerluisimasoq, gruppimi oqaaseqartartoq oqarpoq, gruppillu inuttarai Kristine F. Petersen, Giiti Tittusen, Naja Carina Steenholdt aamma Rasmus Dalsgaard Andersen.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER