Skip to main content

Facebookikkut usingiaasussanik 60-inik nassaaartut

Majoriap Nuummi suliffissarsiuussisarfiani sulisoq inuit attaveqaqatigiittarfii atorlugit usingiaasussarsiorpoq, allataa 200-t angungajallugit siammarterneqarpoq.

Sapaatip-akunnerata siuliata aallartilaarnerani Nuummi Majoriap suliffissarsiuussisarfia Nuuk Transportip pisortaanit attaveqarfigineqarpoq, taakku ilaatigut Nuummi kilisaatinik usingiaasarput.

– Pisortap aperivaatigut inunnik 60-nik kilisaatinik usingiaasinnaasunik peqarnerluta. Aammattaaq eqqaavaa inuit taakkua massakkuminngaanniit januarip naanissaata tungaanut suliffissaqartinneqarsinnaasut, Siverth Lynge, Majoriami sullissisoq Kommuneqarfik Sermersuup nittartagaa naapertorlugu taama oqarpoq.

Umiarsualivimmi ulapputtoqartoq
Ulluni makkunani umiarsualivimmi ulapputtunnguaqaqartoq, ullut tamapajaasa kilisaatinik tikittoqartarmat, taanna oqaluttuarpoq.

– Ilaatigut suliffissarsiortut nalunngeriikkagut innersuuppagut sinnerilu sociale mediat aqqutigalugit nassaarineqarlutik. Nuuk Transportimiillu nalunaarutigineqarpoq inuit 60-it sinneqartut atorfinitsinneqareersimasut. Tamannalu nuannaarutissaavoq, Siverth Lynge oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER