Skip to main content

Facebookikkut inuusuttunut podcasti

Filmiliortartoq Marc Fussing Rosbach podcastiliortarpoq Facebookikkut takuneqarsinnaasumik

Nunatsinni inuusuttuuneq podcastiliarineqartarpoq 'Ammasa Podcast'-imi, pisut assigiinngitsut oqaluuserineqartarlutik.

- Filmiliortartunik, isiginnaartitsisartunik aamma suliffeqarfinnik aallarnisaasartunik pulaartoqareerpunga. Kisianni allanik aamma oqaluuserisaqartassaagut pulaartukkalu, soorlu atoqatigiinneq, aappariinneq kiisalu ulluinnarni tunngasut assigiinngitsut, Marc Fussing Rosbach Sermitsiaq.AG-mut oqarpoq.

Filmiliani kingulleq, Kiinappalik, maanna katitileruttorpaa, podcasti sunngiffimmi aliikkutarisarlugu.

- Podcastinik tusarnaartartorujussuuvunga, Kalaallit Nunaanni inuusuttunut assingusumik peqarnissaa amigaatigalugu una pilersinnikuullugu. Inuusuttut ilisimasaqarnerulernissaat immaqalu ajornartorsiuteqarsimassappata ikiuutaasinnaasumik una atorneqarnissaa anguniagaraara. Inuusuttunut una tulluarneruvoq, taamaattumik Facebookikkut aallakaatinneqartarpoq, oqaluttuarpoq.

Podcastit tigulluarneqarsimasut oqarpoq.

- Soorlu uniffigineqartarpunga una pilersinneqarsimaneranik qujaniartunik. Podcastiliuinnartarnissara taamaattumik pilersaarutigaara, Marc Fussing Rosbach oqarpoq. Podcastiliai siunissami Spotify aqqutigalugu aamma Apple Podcast aqqutigalugu tusarnaarneqarsinnaalissasut ilisimatitsissutigaa.

Podcastiliaa kingulleq uani takuuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER