Skip to main content

Eurovision-imi Basim normu 9-ngorpoq

Qallunaaq Eurovision-imi peqataasoq unamminermi pointit kisinneqarmata angusarissaarnerit qulit akornanniippoq

Arfininngormat unnukkut Københavnimi Refshaleøen-imi Eurovision-imi finalernersuarmi østrigimiu ajugaavoq.
Qallunaat peqataatitaat Basim Spania peqatigalugu normu 9-ngorpoq, taamaasilluni angusarissaarnerit qulit akornanniilluni, eqquiniaasitsisartut immikkullu ilisimasallit arlallit ilimagisaattut.
Erinarsugaali østrigimiumut transvestit-imut Conchita Wurst-imut inorsarpoq, taanna erinarsuut "Rise Like a Phoenix" atorlugu ajugaammat.
Taamaakkaluartoq Basim naammagisimaarinnippoq.
– Angusarput nuannaarutigaara. Ajugaasussavik ajugaavoq, taanna oqarpoq.
Basim, kuissutilik Anis Basim Moujahid, 2008-milu piginnaanilinnut programmimi X Factor-imi peqataalluni Danmarkimi ilisimaneqalersoq, marsimi qallunaat melodi grand prix-ianni ajugaavoq.
Taamaasilluni angerlarsimaffimmini unammisussanngorpoq. Qallunaaq Emmelie de Forest siorna Malmømi ajugaavoq, taamaattumillu ukioq manna qallunaat aaqqissuussisuuput.
Erinaq ´Cliche Love Song´ Basim-ip nammnineq sanasimavaa Lasse Lindforff, Daniel Fält aamma Kim Novak-Zorde suleqatigalugit.
Arfininngormat Eurovision-imi finalimi scenemut qaqimmat erinarsortartoq 21-nik ukiulik nillerrattaanneqarluarpoq.
Europali taasimmat Basim siuttuunerpaanut ilaassalluni naammattunik pointinnanngilaq. Østrig ajugaavoq aappaagulu Eurovision-imik aaqqissuussisuussalluni.
Naatsorsuutigineqarpoq erinarsornermik nammineq inunnit 180 millionit sinnilinnit isiginnaarneqarsimassasoq, tassanilu ingerlatsisuupput Nikolaj Koppel, Lise Rønne aamma isiginnaartitsisartoq Pilou Asbæk. Taakku unnuk naallugu aqutsisuupput, tassanilu nipilersortartut 26-t sinneqartut aliikkusersuipput, taavalu Eurovision-imik Danmarkimi ingerlatsitsisoq nersorniarneqarpoq - tassalu Emmelie de Forest.
Erinarsortartup arnap ajugaassutini "Only Teardrops" atorpaa kiisalu Eurovision-ip pisortatigoortumik erinarsuutaa "Rainmaker" atorlugu, nunat peqataasut erfalasortik nassarlugu scenemut isaaneranni.
Suulli tamarmik nuannersuinnaanngillat. Rusland maanna Ukrainemi perulluliorneq pissutigalugu iluarineqarpianngitsoq pointilersuinermi pointinnakkaangat namminerlu pointilersuilermat inersuarmit buh-mik suaartarneqartarpoq.
Aappaagu Eurovision 60-issaa ingerlanneqassaaq. Taanna siullerpaamik ingerlanneqarpoq Schweizimi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER