Skip to main content

Europarådip Kalaallit Nunaat sammivaa

Inuit Ataqatigiit folketingimut ilaasortaatitaat Aaja Chemnitz Larsen, siullermeerluni Europarådip inatsisartuisa ataatsimiinnerannut peqataavoq

Uani sapaatip akunnerani Europarådip inatsisartui Strasborgimi ilaatigut inuit pisinnaatitaaffii oqaluuseralugit ataatsimiillutik naapipput.

Tassanilu folketingimi ilaasortaq Aaja Chemnitz Larsen (IA), Folketingip aallartitaani inissarsisimasoq siullermeerluni peqataavoq, taassuma siunertaraa Kalaallit Nunaat aamma Issittumilu atugassarititaasut oqaluuserisassanngorneqarnissaat.

Silap pissusiata allanngoriartornera aamma pisinnaatitaaffiit
Taassuma Europarådip silap pissusiata allanngoriartorneranik, piujuartitsinermik ineriartortitsineq aamma meeqqat- nunap inoqqaavisalu pisinnaatitaaffii eqqumaniarfineruai.

- Europarådi inuit pisinnaatitaaffiinik illersuisuulluni ilisaritittarpoq. Uangalu inuit pisinnaatitaaffiinut oqaatsit kusanartut iliuuseqarnikkut uagutsinnut Kalaallit Nunaanniittunut qanoq piviusunngortinnissaat soqutigiuaannarnikuuara, Aaja Chemnitz Larsen tusagassiutinut nalunaarummini taama oqaaseqarpoq.

Europarådimi sulineq nunatsinnut nutaajuvoq, kisianni IA-mi politikerip Kalaallit Nunaannut annertunerusumik soqutiginnilersitsinissamut periarfissatut isigaa.

Unammillernartut
- Kalaallit Nunaat ilaatigut silap pissusiata allanngoriartorneranik, amminik avammut tunisassiornetmi aammalu uumassusilinnik pisuussutinik atuisinnaanermut, inatsisitigut ataataqanngitsut aamma inuit pisinnaatitaaffiinik meeqqanut aamma innarluutilinnut qulakkeerinissamut unammilligassaqartoq, politikeri uparuaavoq.

Aaja Chemnitz Larsen Europarådimi - Unified European Left - ilaasortanngorfigaa danskit partiivi Enhedslisten aamma Alternativet peqatigalugit.

Arnat pisinnaatitaaffii
Inuit Ataqatigiit folketingimut ilaasortaatitaata aamma socialimut peqqinnissamut aamma piujuaannartitsinermut ineriartortitsinermut ataatsimiititaliami ilaasortanngorpoq. Uani sapaatip akunnerani ataatsimiititaliaq ataatsimut angajoqqaatut akisussaaffik, ataataasut pisinnaatitaaffii, angerlarsimaffimmi nakuuserneq, aammalu meeqqanut peqqissutsimik tapiissutinut tunngasunik suliaqarput.

Ataatsimiititaliamik sulinermut tapiliullugu Aaja Chemnitz Larsen aamma nunap inoqqaavisa arnat pisinnaatitaaffii aamma silap pissusiata allanngoriartorneranut aaqqissuussinerit peqataaffigai.

Europami ataatsimiititaliaq nunanit 48-nit ilaasortaqarpoq, taakkunannga 27-it EU-mi nunaninngaanneerlutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER