Europami suliffeqarfinnut internetikkut akornusiiniarnerit Microsoftip paasivai
Europami suliffeqarfinni demokratiskiusuni kontit 104-t akornuserniarneqarsimapput. Tamanna ukiaq pivoq.
Europami suliffeqarfiit demokratiskiusut arlallit internetikkut akornuserniarneqarsimapput. Nutaarsiassaqartitsivik Reuters naapertorlugu Microsoft pingasunngornermi ullaakkut taama ilisimatitsivoq.
Akornusiiniarnerit siorna septembarip aamma decembarip akornanni pipput. kontinut 104-nut Belgiami, Frankrigimi, Tysklandimi, Polenimi, Rumænienimi aamma Serbiami suliffeqarfinni sulisut pigisaannut akornusiiniarnerullutik.
Suliffeqarfissuup it-nik suliaqartup kontit suut pineqarnersut itisilerlugu nassuianngilai.
Microsoftip nalunaarutaa naapertorlugu isummersuisini ukunani sulisu pineqarput, German Council on Foreign Relations, European offices of Aspen Institute kiisalu German Marshall Fund.