Skip to main content

EU-mut ilannguteqqissaagut? Qanoq isumaqarpit?

EU-mut ilaasortaaneq iluaqutissartaqarlunilu ajoqutissartaqarpoq. Sulisitsisut siulittaasuata periarfissaq ammasariaqartoq isumaqarluni, qanittukkut oqaatigaa

Sulisitsiusut siulittaasuanit Henrik Lethimit sapaatip-akunnerata siuliani oqallinneq ammarneqarpoq.

Tuluit Nunaata EU-mut taasingajalerneranut atatillugu Tuluit tusagassiortut sianerfigimmanni, naak Kalaallit Nunaata 1985-imi niueqatigiinnikkut suleqatigiinnermit aninikuugaluartoq, ullumikkut ilaasortaanermut iluaqutissat ammagineqartariaqartut oqarpoq.

Atuaruk: Sulisitsisut siulittaasuat: EU-mut ilaasortanngorsinnaaneq Kalaallit Nunaata nalilersoqqittariaqarpaa

Tamatuma kinguninngua Henrik Sandgreen KNAPK-meersoq Sermitsiaq.Ag-mi oqallinnermut ilannguppoq. Islandip sangunera Kalaallit Nunaata isiginiartariaqaraa, taassuma oqaatigaa.

- Qanoq inuussutissarsiutigisaminnik pingaartitsinerminut tunngatillugu EU-mut ilaasortanngorniarnerigaluarnertik taamaatippaat (Island), tassa nunatsinnitulli aalisarneq takornariaqarnerlu inuussutissarsiutini pingaarnertut ingerlatsisuunerat tassuuna aamma maluginiarneqartariaqarpoq, Henrik Sandgreen oqarpoq.

Atuaruk: Aalisartut EU-mut naaggaarput

Atassut aamma EU-mik suleqatigiinnermut ilannguteqqinnissamik naaggaarlutik oqariartuuteqarnikuupput.

Qanoq isumaqarpit? EU-mut ilannguteqqissaagut?

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER