Skip to main content

”Ersinartulersaarummik” atuakkiassaqarpit?

Maanna takorluukkat piviusunngortillugu allalluni unammisitsinermut ”Allatta!”-mut peqataasinnaanngorputit – ajugaasup oqaluttualiaa 2023-imi ukiuunerata aallartinnerani saqqummersissavaa.

NAPA – Nunani Avannarlerni Piorsarsimassutsikkut Attaveqaatip Kalaallit Atuakkiortut peqatigalugit allannermik unammisitsinermik ”Allatta!”-mik sisamassaa unammisitsissapput.

Unammisitsinermi inersimasut tamarmik 26-nit qummut ukiullit peqataasinnaapput, kalaallisut, qallunaatut imaluunniit tuluttut allattoqarsinnaavoq – tassa allannissamut piumassuseqartut.

Ukioq manna ”qivittulersaarutit” qulequtarineqassapput. Tassa ersinartulersaarutit, misigisat eqqumiitsut qivittulersaarutillu. Qivittulersaarutillu amerlanerusut allanneqarnissaat NAPA-mit naatsorsuutigineqarpoq.

Tassa suliniummik ingerlatsisoq Maannguaq Rosing taama isumaqarpoq:

- Kalaallit Nunaanni qivittulersaattarneq oqaluinnarluni oqaluttuariaasermi ileqqoq assut patajaatsuuvoq.

Tunniussivissaq aamma allannermut workshoppit

Kalaallit Nunaanni oqaluinnarluni oqaluttuariaasermut ileqqoq assut patajaatsuuvoq. Allatta!-lu aqqutigalugu oqaluttuat allatat pitsaasut ukkatarissavagut, tusagassiuutinut nalunaarummi taama allapput.

Tassanilu inersimasunut allannermik unammisitsinermi ajugaasup oqaluttualiaa 2023-mi ukiuunerata aallartinnerani saqqummersinneqassasoq oqaatigineqarpoq.

Ukioq manna Nunat Avannarlerni Ministerit Siunnersuisoqatigiivisa atuakkiortunut meeqqanut inuusuttunullu atuakkianut nersornaasiuttagaannut innersuunneqartoq, Sørine Steenholdt decembarip tallimaanni allannermut workshoppertitsissaaq.

Allannermut workshoppertitsinerit tamarmik digitalimik ingerlanneqassapput, taamaalilluni sinerissamit kikkut tamarmik peqataasinnaassapput. Isigiarsuttunut aamma ussersorluni oqaatsinut nutserisoqarnissaanik periarfissaqarpoq. Oqaluttualiamik naalisakkamik quppernernik minnerpaamik qulinik annerpaamillu 20-nik taavalu ataatsimik katitsikkamik tunniussivissaq ulloq kingulleq 31. august 2023-uvoq.

Allatta! 4.0 VOKSEN Facebookimi nassaarineqarsinnaalereerpoq, tassanilu workshoppertitsinissat nakkutigineqarsinnaapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER