nanoq beer
Erseqqissumik paasisaqarusuttut
Kalistat Lundip Nanoq Beerip 2012-imut naatsorsuutai eqqartuussissuserisumut nalilersortikkusuppai
Immiorfeeqqami akiliisinnaajunnaartumi Nanoq Beerimi pilersitseqataasup siulersuisunullu ilaasortap, Kalistat Lundip, 2012-imut ukiumoortumik nalunaarusiaq naammassineqaqqammersoq eqqartuussissuserisumut misissortikkusuppaa.
Misissuinermi anguniarneqartussaq tassaavoq ingerlatsinerluttoqarneranut akisussaaffimmik inissiisoqartoqassaneranik qulaajaanissaq. Suliffeqarfiup kukkunersiuisui ilaatigut inerniliisimapput Nanoq Beerip naatsorsuusiortarnermut inatsit malissimanngikkaa.
- Suliffeqarfimmi susoqarsimanersoq paaserusuppara. Taamaattumik piginnittuusimasut oqaloqatigissavakka ukiumoortumillu nalunaarusiamut qanoq qisuariarnissarput paasiniarlugu, Kalistat Lund kukkunersiuisut inerniliinerat innersuussutigalugu oqarpoq.
Oqaluttuaq tamaat atuaruk takullugulu Kommune Kujallermi susoqarnersoq. Aviisi sapaatip akunneranut saqqummersartoq Tamanut Kujataani akeqanngitsumik uani aasinnaavat: