Skip to main content

Ernumanartoq: Meeqqat benzinamik gassimillu naamaartartut.

Oqartussat innuttaasullu ernumassuteqartut, avanersuarmi Qaanaami piffissami kingullermi naamaartoqarsimaneranik ajornartorsiummut aaqqissuutissarsiorlutik suliaqaleruttorput.

Qaanaami massakkorpiaq meeqqat 10-12-inik ukiullit naamaartarnerat ajornartorsiutaavoq.

AG-p qaammammi matumani siusinnerusukkut pisimasoq ilisimasaqarfigaa, tassani inuusuttuaqqat tallimat illoqarfiup kangiani illuaraq aserorlugu iserfigisimammassuk.
Piginittup politiillu takkukkamik takusimavaat inuusuttuaqqat benzinamik gassimillu naamaartut. Gassi qaminneqarsimanngilaq, taamaattumillu ajorluinnartumik
kinguneqarsimasinnaagaluarluni innermik ikitsisoqarsimasuuppat.

Qaanaap Facebookimi allagarsiiviani arlallit allattarsimapput namminneq aamma meeqqat inuusuttullu naamaarniutinik misileraasalersimanerat ernumanartillugu.

Ilaat allappoq atuartut unnuppallaalereersoq naapissimallugit, qimnuigisimavaalu angerlaqqullugit. Meeqqat sumilluunniit qisuariarsimanngillat. Taamaattumik innuttaasup aqaguani meeqqat angajoqqaavi imaluunniit angajoqqaatut akisussaasut toqqaannartumik attaveqarfiginiarpai. Allagarsiussaq naggaserneqarpoq angajoqqaat kajumissaarlugit naamaarnerup ulorianartuunera pillugu meeqqatik oqaloqatigeqqullugit.

Alla allagarsiivimmi aperivoq peqatigiiffimmik aallartitsisoqarsinnaannginnersoq inuusuttut soqutigisaannik sammisaqartitsiffiusumik, assersuutitullu taavai nerisassiorneq, nereqatigiinneq, nipilersorneq timersortarfimmilu sammisaqartitsinerit.

Ajornartorsiutit allat

Katsorsaavimmi Allorfimmi Qaanaami ajornartorsiut maanna atuuttoq ilisimaneqanngilaq, tamannali namminermini nassuiaatissartaqarpoq, nakorsatut siunnersortaaneq, Allorfiup pisortaa Birgit Niclasen oqarpoq.

- Allorfimmi pingaartumik katsorsartikkusuttut katsorsarneqartarput, qaqutigoortorujussuuvorlu naamaarnermut katsorsartikkusuttoqartarnera. Ilami tamakkuninnga takuneq ajorpugut. Ilaanneeriarluni naamaarsimasunik takusarpugut, ikittuararsuuppulli naamaarnermik ajornartorsiutillit, taanna oqarpoq.

AG-mi ilanngutassiaq tamaat atuaruk - ugguuna iserfigisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER