Erngup tipeqaqqilernissaa Nukissiorfiup nalunaarutigaa
Erngup aqqutaanik serlersaarisoqareernerata kingorna, Nuummi tasersuarmiit imeqarfiusumit pilersuineq kingumut Nukissiorfiup pilerseqqittariaqarsimavaa. Imeq tipeqaqqilersinnaavoq, nukissiorfiit nalunaaruteqarput.
- Ajoraluartumik Nuummi innuttaasut imermi imeqartussaasumik tipimi aamma mamassusianik ippigusutsinneqaqqilerput, Nukissiorfiit Facebookimini taama nalunaaruteqarpoq.
Nuummi imermut pilersuinermut aqqutit arlalitsigut serlersaarfigineqareernerata kingorna Nuummi tasersuarmiit imeqarfiusumiit pilersuineq kingumut pilerseqqinneqartariaqarsimaneranut tamanna peqqutaavoq.
Erngup aqqutai Qallussuarmit (cirkussøen) imermik pilersuinermut atortut aaqqiissutaagallarsimagaluarput erngup ippinnartumik tipeqarnera mamassuseqarneralu pissutigalugit. Taakkuli serlersaarfigineqarsimapput.
Serlersaarisoqarsimarpasittoq
Nukissiorfiit sapaatip akunnerata siuliani nalunaaruteqarput Qallussuarmit imermik pilersuinermut aqqutit 14-inik putoqalersimasut. Putut serlersaarinermit pilersinneqarsimarpasipput. Nukissiorfiit sapaatit akunneri tulleriisiinnarlugit taama naammattuugaqarput.
- Maannakkut sulissutigineqarpoq aaqqiissuteqarnissaq kisianni maannakkut siusippallaarpoq oqaatigissallugu imermik imerneqartussamik ippinnanngitsumik qaqugu pilersuisoqalernissaa, Nukissiorfiit nalunaaruteqarput.
- Utaqqiisaagallartumik aaqqiinerup saniatigut Nukissiorfinnit aammattaaq sulissutigineqarpoq imeqarfiup eqqaani tankip imiisiviup allineqarnissaa, naatsorsuutigineqarpoq suliap taassuma aasap ingerlanerani kingusinnerusukkut naammassineqarnissaa.
Imeruna qanoq tipilik
Ukiakkut 2020-mi Nuummi imermik pilersuineq nittartakkani attaveqatigiiffiusuni oqallisaaleraluarpoq. Innuttaasummi erngup tipaa mamaalu ippigilluinnarsimavaat. Erngup pitsaassusaata misissorneqartarnerata takutippaa imeq peqqinnissakkut ulorianaateqanngitsoq.
Nukissiorfiup ilisimatitsissutigaa imeq imerneqartussaq misiligutinik ingerlaavartumik misissuiffigineqartartoq, oqartussaasut innersuussutaat tamatumani malinneqarlutik, kiisalu imeq imissallugu peqqissutsimut akornutaanngilaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...