ilisimatusarneq
Erngup nukinganik nukissiuteqarnissamik periarfissat annertusiartortut
Sermeq siusinnerusumut naleqqiullugu sukkanerujussuarmik aakkiartorpoq, tamannalu erngup nukinganik nukissiuuteqarnissamik periarfissanik annertunerulersitsisoq, ilisimatuut oqaatigaat
Kalaallit Nunaanni kiannerulernera sermip aakkiartorneranut ukiuni kingullerni 15-ini annertunerulersimaqisumut toqqaannartumik sunniuteqarpoq. Taama GEUS-imi, Asiami DMI-milu ilisimatuut naliliipput, tamannalu nunat tamat akornanni atuagassiami Science Advancesimi saqqummerseqqammerlugu.
Sermitsiaq allappoq.
Ilisimatusarneq Kalaallit Nunaata kitaata kujataani Tasersiami tasinngortap sarfarnerata pissusaanik tunngaveqarpoq, ukiuni 40-ni uuttortaanermit misissoqqissaarneqarnerannit. Tasersiami tasinngortap 6.500 kvadratkilomteriusup sarfarnerata annersaa Sermersuup aanneraneersuuvoq.
Annertuumik aakkiartorneq Ilisimatuut naapertorlugit 2003-miit 2014-imut sarfarnera 80 procentimik annertusisimavoq 1975-imiit 2002-mut naleqqiullugu, aatsaallu siullermeertumik piffissami sivisuumi sermip aakkiartorneranik uuttortaanernit uppernarsineqarpoq. Sermip annertuumik aakkiartorneratigut erngup nukinganik nukissiuuteqalernissamut periarfissaqanerulersitsivoq, tamannalu siunissami Kalaallit Nunaanni nukimmik pilersuinermut annertunerulersitsissaaq.
– Erngup nukinganik pisuussutit annertuserujussuarnissaanik tamanna kinguneqassaaq, taamaalilluni aamma sarfamik pilersitsinissamut periarfissat amerlillutik. Taamaattoq periarfissat tikikkuminaatsumiipput, taamaattumillu maannakkut teknikkikkut atorluarnissaat periarfissaqartorsuunani, Andreas Ahlstrøm oqarpoq
Allaaserisaq Sermitsiami kingullermi saqqummertumi tamakkerlugu atuaruk. Aviisi uani pisiariuk: