Skip to main content

Erinarsortartut qitittartullu inuusuttullu ujarneqarput

Fairbanksimi Arctic Winter Games-eqarnissami kulturimut tunngasortaani inuusuttunik takutitseqataarusuttunik NAPA ujarlerpoq

– Nukappissanik nivissanillu 15 aamma 19 akornanni ukiulinnik Kalaallit Nunaannit tamarmeersunik ujarlerpugut Alaskamukaqatigaluta erinarsornermik qitinnermillu takutitserusuttunik. Isiginnaagassiamik pilersitsinissaq tamaviaarnassaqaaq, nuannissaqaarli misigisassarlu nalissaqanngilaq.
Taamatut oqaluttuarpoq ilitsersuisoq Pipaluk Kreutzmann Jørgensen, taannalu NAPA, Nunani Avannarlerni Piorsarsimassutsimut Attaqaveqarfik, peqatigalugu 2014-imi marsip 15-aianniit 22-annut Alaskami Fairbanksimi Arctic Winter Gamesimi Nunatsinnit aliikkusersuerusuttunik ujarlerpoq.
Isiginnaagassiaq erinarsornermik qitinnermillu imaqassaaq. Tunuliaqutigissaartumik nipilersornermik, qitinnermik erinarsornermillu kusanartumik takutitassiaq tuluttuujullunilu kalaallisuujussaaq. Soqutiginnittut NAPA-mut saaffiginnissinnaapput atermillu telefonillu normuanik immersugassaq immersorlugu oqaluttuaralugu suna pikkoriffigalugu aamma sooq peqataarusunnerluni.
Inuusuttut isiginnaagassiamut sungiusartinneqassapput, tamannalu pissaaq Nuummi 2014-imi marsip 3-anniit 15-iannut.
Kingusinnerpaamik novembarip 25-ianni 2013 uunga nalunaartoqassaaq: Najâraq Egede - NAPA / - 32 47 33 - e-mail: Najaaraq@napa.gl

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER