Erinarsortartoq tusaamasaq savalimmiuniuni ikiaroornartuuteqarluni paasisaasoq
Amerikamiu countrymik erinarsortartoq Kris Kristofferson, ikiaroornartumik marihuanamik Savalimmiunut anngiortumik eqqussisimasutut, Torhavnimi eqqartuussivimmi eqqartuunneqarpoq.
Taanna Vagarip Mittarfiani sulisunit siorna septembarimi Savalimmiunut tikeraarnerani paasineqarpoq. Torshavnimi meeqqat angerlarsimaffiannut aningaasanik katersisoqarnissaanut atatillugu arlaleriarluni tusarnaartitsisussaagaluarpoq. Savalimmiuni nutaarsiassaqartitsivik Sosialurin allappoq.
Qimmeq ikiaroornartumik eqqussiniartoqarneranik paasiniaasartunit atorneqartartoq erinarsortartoq eqqussiniarsimaneranik paasinnissimasoq, Torshavnimi unnerluussisussaatitaasup eqqartuussinermi nassuiaatigaa. Akitsuuserisut taassuma nassataasa misissornerini, marihuana 3 grammi, jointillu 23-t nassaarineqarlutik. Ikiaroornartut pineqartut ulluni sisamani Savalimmiuniinnermini atugassatut nammineq nassuiaatigisimavaa.
Kris Kristoffersonip eqqusseriarnini nassuerutigaa, 1.000 koruuninillu akiligassinneqarnini aamma akueralugu.
Ullumikkulli Savalimmiuni Thorshavnip Eqqartuussiniviani eqqartuussut aalajangerneqarpoq, tassani erinarsortartoq 1.000 koruuninik akiliisussanngorlugu eqqartuunneqarpoq.
Kris Kristofferson eqqartuussinermi najuutinngilaq, najuutinngikkaluarlunilu eqqartuussiviup aalajangiisinnaaneranik pisinnaatitsissummik allagaqaateqarsimalluni.
