Skip to main content

Erinarsoqatigiit oqaluffissaarsuarnik sinnattuat piviusunngortoq

Ukiup ataatsip ingerlanerani Danmarkip oqaluffissaarsuanni pingasuni tussiaqataanissaq qaqutigoorluinnartuuvoq, kalaallillu erinarsoqatigiivisa Aavaat tamanna iluatsippaat.

Danskit oqalluffissaarsuanni tussiaqattaarnissaq ajornanngitsuaqqattut isigineqarsinnaavoq, ajornaatsuinnaanngilarli. Aavaallu Danmarkimi oqaluffissaarsuanni tussiaqataanissaat sinnattuat piviusunngorsinnaanera qularnarsinnaangaluarpoq. Sinnattoq ukiut arfinillit matuma siorna aallartippoq. Ukiulli tallimat matuma siorna oqaluffissaarsuaq ataaseq Ribe Domkirke tussiarfigisimavaat. 2017-milu Aavaat oqaluffissaarsuarni pingasuni tussiaqattaassapput.

Qularutigineqarsimasut

- Siullermik Danmarmikimi oqaluffissaarsuanni peqataanissamut aammalu tusarnaartitsinissamut attaveqarfigingatsigit qularutigineqarsimangaluarpugut, qujanartumilli Ribe Domkirkep ingerlaannaq peqataatinneqarnissatsinnut soqutiginnissimavoq, peqataasimanitsinnilu oqaluffissaarsuit allat qularunnaarsimapput. Ukioq ataaseq utaqqinerput sivisuupilussuusimavoq, nuannaarsimaqaagulli utaqqinerli imminut akilerpoq, Aavaat siulittaasuat Carsten Siegstad oqarpoq, Ribe Domkirkemilu erinarsorsimaneq misigisaq immikkuullarissuusimasoq paasissutissiaralugu.

Oqaluffissaarsuarni tusaarnaartitsinissamut, ukiorpassuarni erinarsoqatigiit siulittaasorisimasaannit Carsten Siegstadimit sulissutigineqarsimavoq. Erinarsortartoqatigiilerinermilu ukiut pingasut uninngareerluni, Carsten Siegstad Aavaakkunni suleqataaqqilersimavoq, oqaluffissaarsuarnilu tusarnaartitsinissamik sulissuteqarnini aallarteqqillugu. Carsten Siegstad erinarsoqatigiit Aavaakkunni siulittaasunngoqqinnikuuvoq.

Ukioq kingulleq septembarip qaammataani, oqaluffissaarsuit Carsten Siegstadip attaveqarfigeqqippai. Tassanilu Roskilde Domkirke, Aalborg Domkirkelu isumaqatigiissuteqarfigai. Aammalu Maribo Domkirke Lollandimiittoq eriinarsoqatigiit tusarnaartitsinissaat qaqugu ingerlanneqassanersoq nalunaarfigineqarsimallutik.

Aavaat oqaluttuarisaanneranni Aavaakkut Roskilde Domkirkemi erinarsussapput, tamannali tallimanngornermi maajip 26-ni pissaaq. Aalborg Domkirkemilu, Aavaat, sapaammi juunip 18-ni tusarnaatitsissallutik. Ukiup ingerlanerani Maribor Domkirkemi tallimanngorneq novembarip 24-ni tusarnaartitsissallutik. Ukiup ataatsip ingerlanerani Danmarkip oqaluffissaarsuanni pingasuni erinarsoqatigiit tusarnaartitsinissamik akuerineqartarnerat qaqutigoorluinnartuuvoq

Ukiunik 25-nngortorsiulertut

-Aavaat ukiut sisamat qaangiuppat ukiunik 25-nngortorsiortussaapput, piffissamut takkunga takorloorparput neriuutigalugu oqaluffissuarnut tusarnaartitsiartortarnerput Københavnip oqaluffissuani naggasissallugu. Piffissarli taanna tikitsinnagu Danmarkimi oqaluffissuit 10-it isumaqatigiissuteqarfiginissaat neriuutigaarput. ’Arfiniliinnaat’ suli isumaqatigiissuteqarfiginngilagut.
Isumaqatigiissueqarsimagaangattali, sinnattorisartakkatta piviusunngortinnissaannut suna tamarmi ajornannginnerusutut ilertarpoq, Carsten Siegstad oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER