Erinarsoqataagitsi: Utoqqaat illuini najugalinnut nipilersuutitut tunniussaq
”Gårdsangerne fra Thy”-mi nipilersortartoqatigiit isumaqarput Kalaallit Nunaanni utoqqaat illuni najugaqartut utoqqaallu ornittagaanniittartut coronap atuunnerani nipilersuutinik tunissutisisariaqartut.
Nipilersortartoqatigiit Thymeersut sapaatip akunnerani kingullermi coronamut atatillugu tunissuteqarsimapput, tassani kaajaluisami erinarsortarnermik ileqqoq ataqqiniarneqarlunilu utoqqarnik nuannisartitsisoqarlunilu erinarsoqataasoqarnissaa neriuutigineqarpoq.
Nipilersortartoqatigiit quliusut Danmarkimi, Savalimmiuni Kalaallillu Nunaanni utoqqaat illuinut katillugit 950-iusunut nipilersorlutik inuulluaqqusisimapput.
Erinarsuutinik nuannersunik erinarsoqataaneq
Taakkua neriuutigaat, Kalaallit Nunaanni utoqqaat illuini pisortat ataatsimoorluni erinarsornernik videolioriarlutik Thymi najugaqartunut nassiussissasut, videoliat saqqummiunneqarnissaat siunertaralugu.
Tunissutiginiarpaat DVD-kkut piviusulersaarutit, qanga erinarsuutit 16-it ilisimaneqarluartut atorlugit nuannersumik erinarsoqatigiissitsisoqassalluni, taakku tusagassiorfinnut nalunaaruteqarnerminni allapput. Suliniutigineqartoq aningaasaateqarfinnit assigiinngitsunit Thymilu suliffeqarfinnit aningaasaliiffigineqarsimavoq.
Piviusulersaarut uani takuneqarsinnaavoq: