Erik Jensen: RG-mi sulisut Kalaallit Nunaannut nuunneqarlik

Erik Jensen Royal Greenland pillugu Naalakkersuisunut paragraf 37 naapertorlugu arlalinnik apeqquteqarsimavoq, tassani paaserusussimavaa, RG-mi sulisut Danmarkimi najugallit Kalaallit Nunaannut nuunneqartuuppata aningaasatigut qanoq iluaqutaasinnaanersoq.

Ilassineqanngitsoq

Erik Jensen, Siumut tulliani nuna tamakkerlugu ataatsimeersualerpat Siumumi siulittaasunngorniarniarluni Kim Kielsenimut unammillerniartoq, suliffeqarfiit Namminersorlutik Oqartussanit pigineqartut pillugit apeqqutit Naalakkersuisut Siulittaasuata Naalakkersuisoqarfianut attuumassuteqarnerat pissutigalugu Kim Kielsenimit apeqqutit akineqarnissaanut ilanngunneqarsimasumit akissutisigami ilassineqanngilaq.

Ilumut Naalakkersuisusut isumaqarpat atorfiit taamak amerlatigisut Danmark-imi inissisimassasut?

- Royal Greenland A/S tassaavoq ingerlatseqatigiiffik, niuerfiusunilu unammilleqatigiiffiusumi ingerlatsisuusoq. Nalinginnaasumik naalakkersuinikkut suliaqartunit akuliuffigineqannginnissaq tungavigalugu ingeriatseqatigiiffiup aningaasarsiornikkut iluanaaruteqarfiusussanik ingerlatsinera, tamatumani aamma ingerlatseqatigiiffissuup niuerfiusimik unainmilleqatigiinnermullu tunngaveqartumik qanoq aaqqissuussaanissaa, akissuteqaat aallarnerlugu allassimavoq.

- Naalakkersuisut ingerlatseqatigiiffissuarmik piginnittuusutut periusissiat pingaarnerit aammalu ingerlatseqatigiiffiup pilersaarutai ingerlaqqittumik ineriartortitsinissamik tunngaveqartut malinnaavigai, ataqqillugu ingerlatsivissuup niuernermi pisariaqartitai ingerlatsinermi kiffaanngissuseqarneq, anguniagaasullu sapinngitsumik annertunerpaatigut inuiaqatigiinnut kalaallinut iluaqutissarsiortameq.

- Qulaani taaneqartut tunngavigalugit aammalu malemagassat akisussaaqatigiinnerillu agguataarneri piginneqatigiiffiup aqutsisui aammalu piginnittut akornanni ingerlatitsivissuup aqunneqarnera ingerlatsineranullu Naalakkersuisut apeqquteqaatinut tunngavissaqartiiingilaat, apeqqummut akissutit naggaserneqarpoq.

2018-imi Royal Greenlandimi sulisut tamarmiusut 2.228-inik amerlassuseqarsimapput, taakkunanngalu 1.487-it (67%-it) Kalaallit Nunaanni suliffeqarsimallutik, 205-it (9%-it) Danmarkimi aammalu 536-t (24%) nunani allani.

Akileraarutitigut isertitat

Erik Jensen akileraarutinut tunngatillugu arlalinnik aamma apeqquteqarsimavoq, tassani isumaqarami, inuk Kalaallit Nunaanni najugalik Danmarkimi najugaqartumut sanilliullugu Kalaallit Nunaanni inuiaqatigiinnut akileraarutitigut tunniussaqarnerusartoq.

Jess Svane akileraarutinut tunngatillugu imatut akissuteqarpoq:

- Akileraartarnermut Aqutsisoqarfik inuit ataasiakkaat akileraartamerannut atugarisaat pillugit paasissutissanik tamanut saqqummiussaqameq ajorpoq, tassani ilaallutik ingerlatseqatigiiffimmi aalajangersimasuni inuit eqimattunut tunngasutut akileraartamermut atugarisai, akissut taamatut nipeqarpoq, taamalu Erik Jensenip isorinninniaqqissinnaanera matuneqarluni.

Akissuteqaammi aamma ilisimatitsissutigineqarpoq, Royal Greenlandip kilisaataataani aqumiutut sulisut 51-it Kalaallit Nunaanni najugaqartutut nalunaarsorsimasut, aammalu aqumiutnqulingiluat Kalaallit Nimaata avataani najugaqartutut nalunaarsorsimallutik.